પીએમ મોદીએ ક્વાડ અને બ્રિક્સમાંથી એકની પસંદગી કરી લેવી જોઈએ.
સુબ્રમણ્યમ સ્વામી અવારનવાર સરકાર અને પીએમ મોદીને વણમાગી સલાહ આપતા હોય છે. તેઓ વિપક્ષની સાથે સાથે સરકાર પર પ્રહાર કરવાનું ચૂકતા નથી. ઈકોનોમીના મોરચે સ્વામીએ અનેક વાર મોદી સરકારને અડફેટે લીધાના પણ દાખલા છે. ફરી એક વાર સ્વામીએ મોદી સરકારને ગળે ન ઉતરે તેવી વાત કરી છે.
મોદીની હાલત પંચતંત્રના ચામાચિડીયા જેવી થઈ જશે.
સ્વામીએ ટ્વિટ કરીને લખ્યું કે મોદી સચ્ચાઈની પોતાની ક્ષણે પહોંચી ગયા છે. ભારતના વૈશ્વિક નેતા હોવાના દાવાની હવા નીકળી ગઈ છે. હવે મોદીએ ક્વાડ અને બ્રિક્સમાંથી એકની પસંદગી કરી લેવી જોઈએ નહીંતર મોદીની હાલત પંચતંત્રના ચામાચિડીયા જેવી થઈ જશે.
આપને જણાવી દઈએ કે ભારત, અમેરિકા અને જાપાન તથા ઓસ્ટ્રેલિયાના સમૂહને ક્વાડ કહેવાય છે તેઓ વર્ચ્યુઅલ મિટિંગ કરી રહ્યાં છે. પહેલી વાર પીએમ મોદી અને અમેરિકાના પ્રમુખ જો બાઈડેન સાથેસાથે મિટિંગમાં હાજર રહેશે.
વિદેશ મંત્રાલય તરફથી મળેલી માહિતી અનુસાર, ચાર દેશોના નેતા સહિયારા હિતના પ્રાદેશિક અને વૈશ્વિક મુદ્દા પર ચર્ચા કરશે અને એક મુક્ત, ખુલ્લા અને સમાવેશી હિંદ-પ્રશાંત વિસ્તારને જાળવી રાખવાની દિશામાં સહયોગના વ્યાવહારિક ક્ષેત્રો પર વિચારોનું આદાનપ્રદાન કરશે.