કેન્દ્રીય ઇલેક્ટ્રોનિક્સ અને ઇન્ફોર્મેશન મંત્રાલયએ રાજ્યસભામાં આક્ષેપ મુક્યો હતો કે સિગ્નલ અને વૉટ્સએપના એન્ડ તો એન્ડ એન્ક્રિપ્શન ફીચરના કારણે પોર્નોગ્રાફીના મૂળ પકડાઈ શકતા નથી.
એન્ડ તો એન્ડ એન્ક્રિપ્શન ફીચરના કારણે પોર્નોગ્રાફી પકડાઈ શકતી નથી
એન્ડ ટુ એન્ડ એન્ક્રિપ્શનના કારણે સેન્ડર રીસીવર સિવાય કોઈ માહિતી જાણી શકતું નથી
સિક્યોરિટી એજન્સી પાસે પહેલેથી જ હાઈ ટેક સ્પાયવેર ઉપલબ્ધ છે ; કાર્યકરોનો આરોપ
સોશિયલ મીડિયાની વધી રહેલી ફરિયાદોના પગલે રાજ્યસભાના ચેરમેન ઉપરાષ્ટ્રપતિ વૈંકયા નાયડુના વડપણ હેઠળ એક તત્કાલીન પેનલ બનાવવામાં આવી હતી.
આ પેનલને ઉત્તર આપતી વખતે કેન્દ્રીય ઇલેક્ટ્રોનિક્સ અને ઇન્ફોર્મેશન મંત્રાલયએ જણાવ્યું હતું કે સોશિયલ મીડિયા કંપનીઓ તરફથી તેમને કાનૂની હેરાનગતિ થાય છે કારણ કે જયારે પણ તેમને તેમના સર્વર ઉપર અપલોડ થયેલ પોર્ન સાહિત્ય વિષે કહેવામાં આવે છે ત્યારે તેઓ સર્વર જે દેશમાં હોય તે દેશના નિયમો અનુસાર કાર્યવાહી કરવાનું કહીને છટકી જાય છે અને પોતે આ વિષયે કોઈ નક્કર પગલાં લેતા નથી.
શું છે એન્ડ ટુ એન્ડ એન્ક્રિપ્શન ફીચર?
આ વેબસાઇટ્સમાં હાલ આવી ગયેલા એન્ડ ટુ એન્ડ એન્ક્રિપ્શન ફીચરના કારણે હવે સેન્ડ કરનાર યુઝર અને રિસીવ કરનાર યુઝર સિવાય કોઈ થર્ડ પાર્ટી આ માહિતી જાણી શકતી નથી. આ ફીચરનો દુરુપયોગ કરીને યુઝર્સ પોર્ન મટીરીયલ ફેલાવે છે અને દેશની સુરક્ષા પણ ખતરામાં મુકાય છે.
દેશની સિક્યોરિટી એજન્સી દ્વારા વૉટ્સએપને ઇન્ટેલિજન્સના અધિકારીઓને બેકડોર એન્ટ્રી આપવાની વિનંતી કરાઈ છે.
નોંધનીય છે કે આ ઓક્ટોબરમાં US એટર્ની જનરલ P બાર અને અન્ય અધિકારીઓ દ્વારા ફેસબુકને તેમનું એન્ડ તો એન્ડ એન્ક્રિપ્શન ફીચર ઇન્સ્ટાગ્રામ અને મેસેન્જર એપ ઉપર ન લાવવાની વિનંતી કરાઈ હતી.
કાર્યકરોનો આરોપ
જો કે પ્રાઇવસીનું સમર્થન કરતા કાર્યકરોના મતે સિક્યોરિટી એજન્સી સોશિયલ મીડિયા કંપનીઓને બેકડોર એન્ટ્રી આપવાની વિનંતીનો ડોળ કરે છે જયારે હકીકતમાં તેમની પાસે ચોક્કસ ફોનની માહિતી જાણી લેવાની ટેક્નોલોજી અત્યારથી જ હાજર છે. 2016માં FBIએ એક આતંકવાદી દ્વારા વાપરવામાં આવી રહેલો iphone એપ્પલ કંપનીની કોઈ પ્રકારની મદદ વગર ખોલી નાખ્યો. આ દર્શાવે છે કે સિક્યોરિટી એજન્સી પાસે પહેલેથી જ હાઈ ટેક સ્પાયવેર ઉપલબ્ધ છે.