અરુણાચલ પ્રદેશને પોતાનો ભાગ માનનારા ચીને પણ હવે માની લીધું છે કે, અરુણાચલ પ્રદેશ ભારતનો જ ભાગ છે. ચીને પોતાના એક નક્શામાં સમગ્ર જમ્મૂ-કાશ્મીર અને અરુણાચલ પ્રદેશને ભારતનો ભાગ બતાવ્યો છે.
બેઇજિંગમાં બેલ્ટ એન્ડ રોડ ઇનિશિએટીવના બીજા સમિટમાં ચીને નક્શાને પ્રદર્શિત કર્યો હતો. આ નક્શામાં ભારતને પણ BRIનો ભાગ બતાવ્યો છે. તમને જણાવી દઇએ કે, ભારતે આ સમિટનો બહિષ્કાર કર્યો છે. આ પહેલા 2017માં બેલ્ટ એન્ડ રોડ ઇનિશિએટીવના પહેલા સમિટમાં પણ ભારત સામેલ ન હતું થયું. આ સમિટમાં 37 દેશ સામેલ થઇ રહ્યા છે.
BRIનો ઉદ્દેશ નેશનલ હાઇવે, રેલ લાઇનો, પોર્ટ, સી-લેનના નેટવર્ક દ્વારા એશિયા, આફ્રિકા અને યૂરોપને જોડવાનો લક્ષ્ય છે. ત્રણ દિવસથી ચાલી રહેલા આ સમિટની શરૂઆત ગુરુવારે થઇ. ત્યારે નક્શો ચીનની કોમર્સ મિનિસ્ટ્રી દ્વારા રજૂ કરાયો છે.
જેમાં સમગ્ર પીઓકે અને અરુણાચલ પ્રદેશને ભારતનો ભાગ ગણનારું ચીનનું આ પગલું હેરાન કરી દેનારું છે. કારણે કે, થોડા સમય પહેલા જ ચીને એવા હજારો નક્શા નષ્ટ કર્યા હતા જેમાં અરુણાચલ પ્રદેશને ભારતના રાજ્ય તરીકે બતાવાતું હતું.