જમ્મૂ-કશ્મીરના પુલવામામાં સુરક્ષાબળને મોટી સફળતા મળી છે. સુરક્ષાબળે બાર લાખ રૂપિયાના મોસ્ટ વોન્ટેડ આતંકી ઝાકીર મૂસાને ઠાર માર્યો છે. પુલવામામાં આતંકનો પર્યાય અંસાર ગજવા-તુલ-હિંદના આકા ઝાકીર મૂસાને સુરક્ષાબળે ઠાર માર્યો છે. આ આતંકી પર રૂપિયા 12 લાખનું ઈનામ હતુ.
હિંસાની આશંકાના પગલે ઘાટીમાં મોબાઈલ ઈન્ટરનેટ સેવા પણ ઠપ કરી દેવામાં આવ્યા છે. જ્યારે હિંસાની આશંકાના પગલે સમગ્ર વિસ્તારમાં સુરક્ષામાં પણ વધારો કરી દેવાયો છે. તંત્ર દ્વારા સુરક્ષાના પગલે તમામ શાળા કોલેજો બંધ રાખવાનો નિર્ણય લેવામાં આવ્યો છે. બીજી તરફ,સુરક્ષાબળ આતંકીઓના મોરચા પર પણ ધ્યાન રાખી રહ્યું છે.
પુલવામાંના ડડસારામાં આતંકીઓ હોવાની જાણ થતા સુરક્ષાબળે સમગ્ર વિસ્તારને ઘેર્યો હતો અને આતંકીઓને સમર્પણ કરવા માટે તક પણ આપી હતી. પરંતુ આતંકીઓએ સેના પર ફાયરિંગ કરતા સેનાએ પણ જવાબી કાર્યવાહી હાથ ધરી અને મોસ્ટ વોન્ટેડ આતંકી ઝાકીર મૂસા સેનાની જવાબી કાર્યવાહીમાં ઠાર મરાયો હતો.
ઉલ્લેખનીય છે કે, ઝાકીર મૂસા 2013માં હિઝબુલ મુઝાહિદ્દીનમાં સામેલ થયો હતો. તે બુરહાન વાણીનો લાંબા સમય સુધી સહયોગી રહ્યો હતો. તે આ સંગઠનનો કમાન્ડર પણ હતો. બાદમાં વર્ષ 2017માં અલ કાયદાના સંગઠન અંસાર ગજ્વાતુલ હિંદમાં સામેલ થયો હતો. ઉલ્લેખનીય છે કે, આતંકી ઝાકીર મૂસાએ હુર્રિયતના નેતાઓનું સર કલમ કરી દેવાની પણ ધમકી આપી હતી. જે બાદ તેણે હિઝબુલ મુઝાહિદ્દીન છોડ્યું હતુ.