બીગ ઓપેરેશન / વેલડન જાંબાઝ જવાન! કાશ્મીરમાં આતંકને મરણતોલ ફટકો, 36 કલાકના એન્કાઉન્ટરમાં 5 આતંકી ઠાર

• જમ્મુ કાશ્મીરમાં અત્યાર સુધીનું લાંબુ એન્કાઉન્ટર
• 36 કલાક ચાલેલા એન્કાઉન્ટરમાં  5 આતંકીઓ
• સુરક્ષા દળોની મોટી કાર્યવાહી

જમ્મુ કાશ્મીરમાં પહેલેથી જ ઘુસણખોરી કરતા આતંકીઓ માટે કાળ બન્યા છે ભારતીય સુરક્ષા દળો. કાશ્મીર ખીણ વિસ્તારમાં સજ્જ થઈને બેઠેલા સુરક્ષા દળોએ આતંકવાદીઓને જડબાતોડ જવાબ આપવાનું શરુ કર્યું છે.  એક મોટી કાર્યવાહી કરતા સુરક્ષા દળોએ અત્યાર સુધી 5 પાંચ આતંકીઓને ઠાર કર્યાં છે. આ લખાઈ રહ્યું છે ત્યાં સુધી કાશ્મીરના ત્રાલ, અવંતીપોરા અને બીજા વિસ્તારોમાં સુરક્ષા દળો આતંકવાદીઓને જડબાતોબ જવાબ આપી રહ્યાં છે.જવાબ કાર્યવાહીમાં પાંચ આતંકવાદીઓ માર્યા ગયા છે.

Encounter breaks out between security forces and terrorists in Hardumir, Tral area of Awantipora: Kashmir Zone Police

— ANI (@ANI) December 25, 2021

36 કલાકમાં પાંચ આતંકવાદીઓનો સફાયો

 છેલ્લા કેટલાક દિવસોમાં સુરક્ષાદળોએ આતંકવાદીઓ સામે ઝડપી કાર્યવાહી કરી છે. જ્યારથી આતંકવાદીઓએ શ્રીનગરના ઇદગાહ વિસ્તારમાં એક વ્યક્તિ પર ગોળીબાર કર્યો છે, ત્યારથી જુદા જુદા વિસ્તારોમાં એન્કાઉન્ટર શરુ કરાયા છે અને વીણીવીણીને આતંકવાદીઓને ઠાર કરાઈ રહ્યાં છે.  તે ઘટના પછી 5 આતંકવાદીઓ માર્યા ગયા છે. સેના દ્વારા હજુ પણ ઘણા વિસ્તારોમાં સર્ચ ઓપરેશન ચાલી રહ્યું છે. ત્રાલ, અવંતીપોરા અને હરદુમીરમાં આ વિસ્તારને ઘેરી લેવામાં આવ્યો છે અને આતંકવાદીઓને પકડવાના પ્રયાસો ચાલુ છે.

આતંકીઓનો કાળ બન્યા સુરક્ષાદળો, ઘાટીમાં ઘુસણખોરી ઘટી 

આ એન્કાઉન્ટરો ઉપરાંત સુરક્ષા દળોને પણ કેટલીક મોટી સફળતા મળી છે. આ જ એપિસોડમાં જમ્મુ-કાશ્મીર પોલીસ (જેકેપી)એ તાજેતરમાં શ્રીનગરમાં એક નાગરિક અને પોલીસ કર્મચારીની હત્યામાં સામેલ રેઝિસ્ટન્સ ફ્રન્ટ (ટીઆરએફ)ના બે આતંકવાદીઓની ધરપકડ કરી હતી. તેમની પૂછપરછ કરવામાં આવી હોવાનું કહેવાય છે અને ખીણમાં આતંકવાદીઓની પ્રવૃત્તિઓ વિશે મોટી માહિતી જાહેર થઈ શકે છે.