જમ્મૂ કાશ્મીરના બટોટ-ડોડા રોડ પર સેનાના જવાનો પર આતંકી હુમલો થયો હતો. ઉલ્લેખનીય છે કે આતંકી હુમલો સેનાના કાફલા પર કરવામાં આવ્યો હતો. હાલમાં કોઈ જવાનના ઘાયલ થવાના સમાચાર આવ્યા નથી.
બટોટ-ડોડા રોડ પર આતંકી હુમલો
સેનાના કાફલા પર ગ્રેનેડથી કરવામાં આવ્યો આતંકી હુમલો
સામસામે કરવામાં આવ્યું ફાયરિંગ, કોઈ જાનહાનિ નહીં
સેનાએ હાથ ધર્યું સર્ચ ઓપરેશન
સેના અને આતંકીઓ વચ્ચે ફાયરિંગ
જમ્મૂ કાશ્મીરના રામબનમાં બટોટ-ડોડા રોડ વિસ્તારમાં શુક્રવારે રાતે સુરક્ષાદળે આતંકીઓની સૂચના મળતાં જ વિસ્તારને ઘેરી લીધો હતો. આતંકીઓ જ્યારે ઘેરાઈ ચૂક્યા હતા ત્યારે તેઓએ સેના પર ફાયરિંગ શરૂ કર્યું હતું. સામસામે થઈ રહેલું ફાયરિંગ શનિવાર સવાર સુધી ચાલુ રહ્યું હતું. સૂત્રોના આધારે હજુ પણ અહીં 2-3 આતંકીઓ છૂપાયેલા હોઈ શકે છે.
પાકિસ્તાનમાં આશરો લઈ રહેલા આતંકીઓ ભારતીય સીમમાં હુમલા માટે વિવિધ કાવતરા રચી રહ્યા છે. ત્યારે ફરીથી જમ્મૂ-કશ્મીરમાં સેનાના કાફલા પર આતંકી હુમલો થયો છે. જમ્મૂ-કશ્મીરના બટોટ- ડોડામાં સેનાના કાફલા પર આતંકી હુમલો થયો છે. સેનાના કાફલા પર ગ્રેનેડથી હુમલો થયો છે. સદનસીબે આ હુમલામાં કોઈ જાનહાનિ થઈ નથી. પણ હુમલા બાદ સુરક્ષાબળના જવાનોએ સર્ચ ઓપરેશન હાથ ધરીને આતંકીઓનો ખાતમો બોલાવવા માટે કાર્યવાહી હાથ ધરી છે.
PRO Defence, Jammu: Today morning at about 7.30 am, 2 suspicious individuals tried to stop a civil vehicle at Batote. The driver did not stop the vehicle and informed Army QRT (Quick Response Team). Exchange of fire took place; operation still underway pic.twitter.com/PpKXikVfNC
સૂત્રોના આધારે હજુ પણ આતંકીઓ અહીં છૂપાયેલા છે. સીઆરપીએફ અને એસઓજીની સંયુક્ત ટીમ આ વિસ્તારમાં ફેલાયેલી છે. જમ્મૂ કાશ્મીરમાંથી આર્ટિકલ 370 હટાવી દેવાયા પછી સુરક્ષા એજન્સીઓએ આતંકીઓ માટે કડક પગલાં લીધા છે.
સુરક્ષાદળોના દબાણને કારણે આતંકી અને તેમના મદદગાર ઓવર ગ્રાઉન્ડ વર્કર (OGW)માંદમાં છૂપાઈ ગયા હતા. સુરક્ષાદળોએ એવી રણનીતિ બનાવી કે તેઓનો સામાન્ય લોકો સાથે સંપર્ક થઈ શકે નહીં. જેના કારણે પથ્થરમારાના બનાવો પણ ઘટ્યા છે. હાલમાં 300 આતંકીઓ સક્રિય છે. OGWની સંખ્યા 6000થી પણ વધારે છે. જે આતંકીઓને મદદ પહોંચાડવાની સાથે ઘાટીમાં હિંસા તથા પથ્થરમારાને પણ વેગ આપે છે.