દેશભરના તમામ બેંકોએ ઓનલાઇન અને એટીએમ સાથે છેતરપિંડી રોકવા માટે ઇએમવી ચિપ વાળા ડેબિટ કાર્ડ જારી કર્યા છે. આ પહેલા મેગ્નેટિક કાર્ડનો ઉપયોગ થતો હતો. તમામ બેંકોએ ભારતીય રિઝર્વ બેંકના એક નિર્દેશ બાદ પોતાના ગ્રાહકોને ફ્રી માં ચિપ વાળા એટીએમ અને ડેબિટ કાર્ડ જારી કર્યા છે જો કે કેટલીક બેંક હજુ હવે બહાર પાડી રહી છે. ત્યારે હવે ચાલાક ચોરોએ ચિપ વાળા એટીએમ કાર્ડથી પણ છેતરપિંડી કરવાની રીત નિકાળી છે.
મીડિયા રિપોર્ટ્સ અનુસાર આ ગુનેગારો એટીએમ કાર્ડ ધારકોને ફોન કરી રહ્યા છે અને લોકો પાસેથી નવા કાર્ડ લેવા માટે પૂછી રહ્યા છે. એવામાં ડ્યારે કોઇ શખ્સ કહે છે કે એને નવું કાર્ડ જોઇએ તો ફોન પર વાત કરી રહેલો અપરાધી પોતાને બેંકનો કર્મચારી જણાવે છે. ત્યારબાદ લોકોને ફોન કરનાર ઠગ કહે છે કે તમારા કાર્ડની જાણકારી બેંકમાં જમા નથી.
એવામાં તમે તમારા કાર્ડની પૂરી જાણકારી આપો. સાથે જ આવું નહીં કરવા પર એ કાર્ડને બંધ કરવાની ધમકી આપે છે. એવામાં ધમકી બાદ ઓછું ભણેલા લોકો અથવા વૃદ્ધ લોકો ડરી જાય છે અને કાર્ડની પૂરી જાણકારી એમને આપી દે છે. ત્યારબાદ એ ઠગ સરળતાથી અકાઉન્ટ ખાલી કરી દે છે.