બોલિવુડના 'સિરિયલ કિસર' તરીકે ફેમસ થયેલા એક્ટર ઇમરાન હાશ્મીની ફિલ્મ 'વ્હાય ચીટ ઇન્ડિયા' તાજેતરમાં રિલીઝ થઇ ગઇ છે અને તે આ ફિલ્મના પ્રમોશનમાં વ્યસ્ત જોવા મળી રહ્યો છે. આ પ્રમોશન દરમિયાન જ્યારે ઇમરાન હાશ્મીએ એક ઇવેન્ટમાં કહ્યુ કે હવે તે પોતાની 'સિરિયલ કિસર'ની છબી બદલવા માંગે છે કારણ કે શરૂઆતથી કિસિંગ સીન માટે જાણીતો છે અને હવે આ છબી બદલવાના પ્રયાસ કરી રહ્યો છે.
આ દરમિયાન ઇમરાન હાશ્મીએ જણાવ્યુ કે ''તે જ્યારે પણ કોઇ ફિલ્મમાં કિસિંગ સીન કરે ત્યારે તેની પત્ની નારાજ થઇ જાય છે અને પછી પત્નીને મનાવવા માટે ઇમરાન હાશ્મી પત્નીની માટે એક હેન્ડ બેગ ખરીદીને આપે છે. જો ઇમરાન હાશ્મીની પત્ની તેના કિસિંગ સીનથી વધુ નારાજ થઇ જાય તો ઇમરાન હાશ્મી તેને ક્યારેક વેકેશન પર પણ લઇ જાય છે. ''
ઇમરાન હાશ્મીએ આગળ જણાવ્યુ કે ગત 15 વર્ષથી આ બધુ સહન કરી રહ્યો છે જેના કારણે હવે તેને ફિલ્મોમાં કિસ કરવાનું ઓછુ કરી દીધુ છે. જ્યાં અગાઉ ઇમરાન હાશ્મીની ફિલ્મોમાં 10 જેટલી કિસ જોવા મળી હતી ત્યારે હાલમાં રિલીઝ થયેલી ફિલ્મમાં માત્ર એક જ કિસિંગ સીન હોય છે.