દારૂબંધી ક્યાં ? / ગુજરાતમાં દારૂબંધીના ઉડ્યા ધજાગરા! અમદાવાદ પોલીસ કમિશનર કચેરીમાં જ મળી દારૂની ખાલી બોટલો

રાજ્યમાં દારૂનું દૂષણ અટકાવવા માટે પોલીસ વિભાગ અવાર-નવાર ડ્રાઈવનું આયોજન કરે છે. જેમાં પોલીસ અનેક બુટલેગરોની ધરપકડ પણ કરે છે, પરંતુ ક્યારેક બુટલેગરને પકડનારા પોલીસ કર્મચારીઓ પર સવાલ ઉભા થાય છે.

પોલીસ કમિશનરની કચેરીમાં દારૂની ખાલી બોટલ !

રાજ્યમાં પોલીસ કર્મચારી નશામાં ધૂત હોય તેવા અનેક વીડિયો સામે આવ્યા છે, ત્યારે હવે અમદાવાદ પોલીસ કમિશનરની કચેરીમાં દારૂની ખાલી બોટલ જોવા મળી છે. કમિશનર કચેરીમાં PCB સ્ક્વોડ હોવા છતાં દારૂની બોટલ જોવા મળી છે. જેથી પોલીસની કામગીરી પર સવાલ ઉભા થયા છે.

આ પણ વાંચો: ગુજરાતમાં ચાંદીપુરાના કેસમાં સતત વધારો, પંચમહાલમાં વધુ 3 બાળકો શંકાસ્પદ વાયરસની ઝપેટમાં

દારૂબંધીના ઉડ્યા ધજાગરા

પોલીસ કમિશનરની કચેરીમાં અવાવરૂ જગ્યાએ દારૂની ખાલી બોટલનો વીડિયો વાયરલ થતાં પોલીસ પર વેધક સવાલો થઈ રહ્યાં છે. રક્ષક જ ભક્ષક જેવો ઘાટ અહીં સર્જાયો છે, રોકે એને જ ટોકવા પડે તેવો ઘાટ આ કિસ્સામાં થયો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ