ભરૂચ સિવિલ હોસ્પિટલ સંકુલમાં વિદેશીદારૂની ઢગલાબંધ ખાલી બોટલો મળી આવતાં ચકચાર મચી જવા પામી છે.
ભરૂચ સિવિલમાં જોવા મળી દારૂની ખાલી બોટલો
કેમ્પસમાં અનેક ખાલી બોટલો જોવા મળી
પોલીસતંત્ર એક્શનમાં આવી તપાસ કરે તેવી માગ ઉઠી
દારૂબંધી ગુજરાતમાં બસ કહેવા માટે જ હોઈ તેવું લાગી રહ્યું છે. ગુજરાતમાં દારૂબંધી હોવા છતાય દારૂ પીવાય અને વેચાય રહ્યો છે. ત્યારે ગુજરાતનું તંત્ર દારૂની ડામવા નિષ્ફળ નીવડ્યું હોય તેવું આજે સામે આવેલા દ્રશ્યો પરથી લાગી રહ્યું છે. ભરૂચ સિવિલ હોસ્પિટલ સંકુલમાં જ વિદેશીદારૂની ઢગલાબંધ ખાલી બોટલો મળી આવતાં અનેક પ્રશ્નો સર્જાયાં છે. આ મામલાને લઇને પોલીસતંત્ર પણ એક્શનમાં આવી તપાસ કરે તેવી માગ ઉઠી છે.
કેમ્પસમાં અનેક ખાલી બોટલો જોવા મળી
ભરૂચ સિવિલ હોસ્પિટલના કેમ્પસમાં દારૂની અનેક ખાલી બોટલો મળી આવતા ભારે ચકચાર મચી ગઇ છે. સાથે હોસ્પિટલના તંત્ર પર પણ અનેક સવાલો ઉભા થયા છે. હોસ્પિટલની સિક્યુરિટી પર પણ સવાલ ઉભા થયા છે. સિવિલ હોસ્પિટલના કંપાઉન્ડમાં પીએમ રૂપ તરફ જવાના રસ્તા પર રોડની સાઇડમાં વિદેશીદારૂની ઢગલાબંધ બોટલોનો જથ્થો નજરે પડ્યો હતો.
હોસ્પિટલ સંચાલકોની સિક્યુરિટીને લઇને પ્રશ્નાર્થ
હોસ્પિટલના કેમ્પસમાંથી દારૂની ખાલી બોટલો મળી આવ્યાનો વીડિયો સામે આવતા ભારે હડકંપ મચી ગયો છે. હોસ્પિટલ સંકુલમાં ફરજ બજાવતી સિક્યુરિટી ગાર્ડ્સન કામગીરી પર સવાલો ઉભા થયાં છે.
સળગતા સવાલો
સિવિલમાં દારૂની બોટલ કેવી રીતે પહોંચી?
સિવિલ કેમ્પસમાં કોણ લાવ્યું દારૂ?
શું હોસ્પિટલ રાત્રીના સમયે પાર્ટી કરવાનું સ્થળ બને છે?
દારૂની બોટલ હોસ્પિટલ તંત્રના ધ્યાને કેમ નથી આવતી?
શું હોસ્પિટલમાં ફરજ બજાવતા ડૉક્ટર્સ દારૂની મહેફિલ માણે છે?
શું સારવાર કરાવવા આવતા દર્દીઓ દારૂ લઇને આવે છે?
રાજ્યમાં દારૂબંધીનો કડક અમલ કેમ નથી થતો?