સરકારી કર્મચારીઓ હવે ઓફિસમાં 5 મિનિટ માટે યોગા બ્રેક લઈ શકશે. જેથી તેમને આરામ મળી રહે. આયુષ મંત્રાલય દ્વારા કર્મચારીઓ માટે ખાસ Y-Break એપ્લિકેશન બનાવામાં આવી છે.
સરકારી કર્મચારીઓ હવે ઓફિસમાં યોગા કરી શકશે
સરકારે આયુષ મંત્રાલય પાસે બનાવી ખાસ એપ્લીકેશન
એપ્લીકેશનમાં કર્મચારીઓ માટે રાખ્યો Y-Breakનો વિકલ્પ
જો હવે તમે સરકારી ઓફિસમાં જાઓ અને તમને કર્મચારીઓ યોગ કરતા દેખાય તો તમારે હેરાન થવાની જરૂર નથી. કારણકે સરકાર ઈચ્છે છે કે તેમના કર્મચારીઓ હવે બ્રેક સમયમાં યોગ કરે જેથી તેઓ તાજગીનો અનુભવ મેળી શકે. સરકાર દ્વારા એક Y-Break App તૈયાર કરવામાં આવી છે. જેને આયુષ મંત્રાલય દ્વારા ડેવલેપ કરવામાં આવી છે.
એપ્લીકેશનને પ્રમોટ કરવા આદેશ
કર્મચારી અને તાલિમ વિભાગે બધાજ મંત્રાલયોને પણ એપ્લીકેશન પ્રમોટ કરવા કહ્યું છે. જેમા તેમણે આદેશ આપતા કહ્યું છે એન્ડ્રોઈડ ફોનમાંથી આ એપ્લીકેશનને તુરંત ડાઉનલોડ કરવામાં આવે અને મંત્રાલયોને તે એપ્લીકેશન પ્રમોટ કરવા માટે કહેવામાં આવ્યું છે.
આયુષ મંત્રાલયે એપ્લીકેશન લોન્ચ કરી
આયુષ મંત્રાલયે એક દિવસ પહેલા મોટા સમારોહમાં આ મોબાઈલ એપ્લીકેશન લોન્ચ કરી. જેમા કુલ 6 મંત્રીઓ શામેલ હતા. આ પ્રસંગે ડીઓપીટી મંત્રી જિતેન્દ્ર સિંહ પણ હાજર હતા. તેમણે કાનૂન મંત્રી કિરેન રિજિજૂ સાથે કાર્યસ્થળ પર પાંચ મિનિટ માટે યોગા બ્રેક બનાવાનો આગ્રહ કર્યો જેથી લોકો તેનો લાભ ઉઠાવી શકે. આ પ્રસંગે જેટલા પણ મંત્રીઓ હાજર હતા. તેમણે યોગા પ્રદર્શન કર્યું હતું.
કર્મચારીઓ હવે યોગ બ્રેક લઈ શકશે
ઉલ્લેખનીય છે કે સમગ્ર મામલે કાયદા મંત્રી કિરેન રિજિજૂએ એવું કહ્યું કે આ એપ્લીકેશન જંગલમાં આગની જેમ ફરશે. આયુષ મંત્રી સર્બાનંદ સોનોવાલે કહ્યું કે પાંચ મિનિટનો યોગ પ્રોટોકોલ કર્મચારીની ક્ષમતા વધારવા માટે છે. જેમા પ્રાણાયામ જેવા યોગ શામેલ છે. કામકાજમાંથી ફ્રેશ થવા માટે કર્મચારીઓ માટે આ y-Break ડેવલેપ કરવામાં આવ્યો છે. જેનાથી કર્મચારીઓને આરામ પણ મળી શકશે.