કર્મચારીઓ માટે મોટા સમાચારઃ આ વર્ષે આટલાં ટકા વધી શકે છે તમારો પગાર

દેશમાં વર્ષ 2019માં કર્મચારીઓનું વેતન 10 ટકા સુધી વધી શકે એમ છે. જો કે મોંઘવારીને કારણ વેતનની વાસ્તવિક વૃદ્ધિ પાંચ ટકા પર સીમિત રહી શકે છે. એક રિપોર્ટમાં ગુરૂવારનાં રોજ આવું કહેવામાં આવ્યું છે. સલાહ આપનારી વૈશ્વિક કંપની કોર્ન ફેરીએ કહ્યું કે તેજ આર્થિક વૃદ્ધિને કારણ એશિયામાં કુલ વેતન તથા વાસ્તવિક વેતન વૃદ્ધિનાં મામલામાં ભારત ઉંચાઇ પર જળવાઇ રહેશે.

રિપોર્ટ અનુસાર 2019માં દેશમાં વેતનવૃદ્ધિ ગયા વર્ષનાં 9 ટકાને મુકાબલે 10 ટકા રહી શકે છે. જો કે ફુગાવો સમાયોજિત વાસ્તવિક વેતનવૃદ્ધિ 2018નાં 4.7 ટકાને મુકાબલે પાંચ ટકા રહી શકે છે. કોર્ન ફેરી ઇન્ડીયાનાં ચેરમેન અને ક્ષેત્રીય પ્રબંધ નિર્દેશક નવનીત સિંહે કહ્યું "તેજ આર્થિક વૃદ્ધિનાં બળ પર કુલ વેતનવૃદ્ધિ તથા વાસ્તવિક વેતનવૃદ્ધિનાં મામલામાં એશિયામાં ભારત ઉચ્ચ પર બની રહેશે."

રિપોર્ટ અનુસાર એશિયામાં આ વર્ષનાં વેતનમાં 5.6 ટકાનાં દરથી વૃદ્ધિ થવાનું અનુમાન છે. તેઓએ કહ્યું કે ફુગાવોનાં સમાયોજન બાદ આ દર 2.6 ટકા રહી શકે છે. અન્ય એશિયાઇ દેશોમાં 2019માં વાસ્તવિક વેતનવૃદ્ધિ ચીનમાં 3.2 ટકા જાપાનમાં 0.10 ટકા વિયતનામમાં 4.80 ટકા સિંગાપુરમાં ત્રણ ટકા અને ઇન્ડોનેશિયામાં 3.70 રહી શકે છે.