પોતાનું ઘર હોવું એ દરેક વ્યક્તિનું સપનું હોય છે. પણ આપણે એક સારાં લોકેશનમાં ઘર ખરીદવા માંગતા હોઈએ છીએ, જેથી જીવનભર જમા કરેલાં પૈસા પણ ઓછાં પડે છે. ઘર ખરીદવા માટે ડાઉન પેમેન્ટ લઈ લોન ચૂકવવાની પ્રોસેસ માટે પૂરતું બજેટ હોવું જરૂરી છે. સામાન્ય રીતે કોઈપણ બેંક ઘરની કિંમતના 80 ટકા જેટલી લોન આપે છે. એવામાં 20 ટકા ડાઉન પેમેન્ટ પાસે હોવું જરૂરી છે અને જો તમે ડાઉન પેમેન્ટ વધારે ભરશો તો તમારે હોમ લોનનું ઈન્ટરસ્ટ ઓછું ચૂકવવું પડશે.
હવે તમારું ઘરનું ઘર લેવાનું સપનું થશે પૂરું
EPFO લઈને આવી છે આ ખાસ યોજના
શ્રમ મંત્રાલય સાથે મળીને 10 લાખ લોકોને ઘર અપાશે
હવે સવાલ એ છે કે, ડાઉન પેમેન્ટ માટે વધુ રકમ કઈ રીતે ભેગી કરવી. જો તમે ઘર ખરીદવા માંગો છો તો તમારી પાસે કેટલીક જમા રકમ હોવી જોઈએ, પણ જો તમે પૈસા જમા ન કરી શક્યા હોવ તો તમે તમારા પીએફ એકાઉન્ટથી પણ ઘર લેવાનું સપનું પૂરું કરી શકો છો. તમને જણાવી દઈએ કે, EPFO એટલે કે, એમ્પ્લોયી પ્રોવિડન્ટ ફંડ ઓર્ગેનાઈઝેશને એક નવી શરૂઆત કરી છે. જે હેઠળ શ્રમ મંત્રાલય સાથે મળીને 10 લાખ લોકોને ઘર આપવાની યોજના છે.
પીએમ નરેન્દ્ર મોદીએ વર્ષ 2022 સુધી આવાસ યોજના હેઠળ ઈપીએફઓ તરફથી આ પ્રયાસ શરૂ કરવામાં આવ્યો છે. આ સ્કીમમાં કર્મચારી, કંપનીઓ, નાણાકીય સંસ્થા અને હાઉસિંગ એજેન્સીઓ સાથે મળીને કામ કરશે.
ઈપીએફઓની મદદથી આ રીતે ઘર લઈ શકશો
10 અથવા તેનાથી વધુ લોકો મળી એક સોસાયટીનું રજિસ્ટ્રેશન કરાવો.
ફંડ અને કોન્ટ્રિબ્યૂશનના સર્ટિફિકેટ માટે સોસાયટી દ્વારા પીએફ ઓફિસમાં અરજી કરો.
બેંક અથવા નાણાકીય સંસ્થા આ સર્ટિફિકેટના આધારે લોનની સુવિધા આપશે.
સરકારી અને ખાનગી હાઉસિંગ કંપનીઓની સાથે મળીને સોસાયટી ઘરોની વ્યવસ્થા કરશે.
કો-ઓપરેટિવ સોસાયટી, કેન્દ્ર સરકાર, રાજ્ય સરકાર, હાઉસિંગ એજન્સી અને પ્રમોટર અથવા બિલ્ડરને ડાયરેક્ટ પેમેન્ટ કરવામાં આવશે.
આ સિવાય ઈપીએફઓ તરફથી આ સુવિધા પણ આપવામાં આવી છે કે તમે તમારું ઘર ખરીદવા માટે પીએફ એકાઉન્ટમાંથી 90 ટકા સુધીની રકમ ચૂકવી શકો છો. એટલું જ નહીં મંથલી ઈએમઆઈ પણ તમે પીએફ એકાઉન્ટ દ્વારા આપી શકો છો.