ગોંડલ તાલુકામાં નગરપાલિકાના કર્મચારીઓએ તોડફોડ કરી છે.છઠ્ઠા પગારપંચનો લાભ આપવાની માગણી સાથે સફાઈ કામદારોમાં રોષ જોવા મળ્યો છે.સફાઈ કામદારોએ માગણી કરી છે કે તેમને કાયમી કરવામાં આવે.
આ સાથે એવો આક્ષેપ છે કે અનેકવાર તંત્રને રજૂઆત કરવામાં આવી હોવા છતાં હજુ સુધી કોઈ જ નિરાકરણ આવ્યું નથી.રોષે ભરાયેલા કામદારોએ કચેરીમાં હોબાળો કર્યો.સરકારના હુકમનું ઉલ્લંઘન થતું હોવાનો પણ કામદારોએ આક્ષેપ કર્યો છે.
ઉલ્લેખનીય છે કે છેલ્લા કેટલાક સમયગાળાથી નગરપાલિકાના સફાઇકામદારો દ્વારા તમામને છઠ્ઠા પગાર પંચનો લાભ આપવાની તથા કાયમી કરવાની રજૂઆત અધિકારીઓને કરવામાં આવતી હતી પરંતુ કર્મચારીઓની માગને ધ્યાને ના લેવાતા આજે સફાઇકર્મીઓ આક્રમક મૂડમાં આવી જતાં નગરપાલિકામાં તોડફોડ કરી હતી.