કર્મચારીઓ માટે મહત્વપૂર્ણ સમાચાર સામે આવ્યાં છે. કોરોનાકાળ બાદ ઘણી કંપનીઓ પોતાના કર્મચારીઓના પગારમાં ઘટાડો કરી રહી છે. પરંતુ આ દરમ્યાન એક એવી કંપની છે, જે કર્મચારીઓને દર અઠવાડિયે પગાર આપશે.
કર્મચારીઓની આર્થિક સ્થિતિ સુધારવા માટે કંપનીએ કરી નવી પહેલ
કર્મચારીઓને પગાર માટે આખો મહિનો રાહ નહીં જોવી પડે
કંપની પોતાના કર્મચારીઓને દર મહિને ચૂકવશે પગાર
કર્મચારીઓની આર્થિક સ્થિતિ સુધારવા કરી જાહેરાત
ખરેખર, વૈશ્વિક મહામારીના આ સમયમાં કર્મચારીઓની આર્થિક સ્થિતિ સુધારવા માટે ઈન્ડિયા માર્ટ કંપનીએ આવી જાહેરાત કરી છે. હવે કર્મચારીઓને પગાર માટે આખો મહિનો રાહ જોવી પડશે નહીં. ઉલ્લેખનીય છે કે, આની પહેલા પણ ઘણા દેશોમાં કંપનીઓ પોતાના કર્મચારીઓને દર અઠવાડિયે પગારની ચૂકવણી કરે છે. હવે દેશમાં ઈન્ડિયા માર્ટે આ પહેલ શરૂ કરી છે. ઈન્ડિયા માર્ટ કંપનીએ પોતાના કર્મચારીઓને દર અઠવાડિયે પગાર આપવાનો નિર્ણય કર્યો છે. જેનાથી કર્મચારીઓમાં ઉત્સાહ છે.
કંપનીમાં નિર્ણયને કર્મચારીઓએ વધાવ્યો
મહત્વનું છે કે, ઈન્ડિયા માર્ટ દેશમાં સાપ્તાહિક પગાર ચૂકવનારી પહેલી કંપની છે. કંપની મુજબ, બદલાતા સમયમાં અને વધી રહેલા નાણાંકીય બોજને ધ્યાનમાં રાખીને આ પગલુ ઉપાડવામાં આવ્યું છે. કોરોના મહામારીમાં પગારની જરૂરીયાત વધી ગઇ છે. ન્યુઝીલેન્ડ, ઓસ્ટ્રેલિયા, હોન્ગકોન્ગ અને અમેરિકા જેવા ઘણા દેશોમાં આ પ્રકારનું વલણ છે. વૈશ્વિક અર્થવ્યવસ્થાની બદલાતી પરિસ્થિતિઓ, કર્મચારીઓના ફાયદાને જોઈને આ નિર્ણય લેવામાં આવ્યો છે.
કંપનીમાં કર્મચારીઓને દર અઠવાડિયે અપાય છે ઈન્સેન્ટિવ
ઈન્ડિયામાર્ટના સીઓઓ દિનેશ ગુલાટીએ કહ્યું, કંપનીમાં દરેક વ્યક્તિ આ નિર્ણયનું સ્વાગત કરશે. કંપનીએ ઘણા વર્ષો પહેલા આ દિશામાં કામ કરવાનુ શરૂ કરી દીધુ હતુ. અમારી કંપનીમાં ઘણા લોકોને દર અઠવાડિયે ઈન્સેન્ટિવ આપવામાં આવે છે. ઉલ્લેખનીય છે કે કોરોના મહામારી બાદ ઈન્ડિયા માર્ટ સંપૂર્ણ રીતે વર્ક ફ્રોમ હોમ લાગુ કરનારી પહેલી કંપની હતી. એટલેકે કર્મચારીઓ માટે ઈન્ડિયા માર્ટે દર વખતે પહેલ કરી છે.