EPFO / કર્મચારીઓની વધી શકે છે ટેક હોમ સેલેરી, સરકાર લઈ શકે છે આ મહત્વનું પગલું

• વધી શકે છે તમારી ટેક હોમ સેલેરી
• સરકાર લઈ શકે છે આ મહત્વનું પગલું
• કર્મચારીઓને મળી શકે છે આ વિકલ્પ

સરકાર કર્મચારીઓને માટે મહત્વનું પગલું લેવા જઈ રહી છે. સરકાર જલ્દી જ આ લોકો માટે પ્રોવિડન્ટ ફંડમાં યોગદાન ઘટાડવાનો વિકલ્પ આપી શકે છે. જેથી તેમની ટેકહોમ સેલેરી વધે. ટેકહોમ સેલેરી વધારવાને માટે કર્મચારીઓને પોતાના પીએફ કંટ્રીબ્યૂશન ઘટાડવાનો વિકલ્પ મળશે. જ્યારે કંપનીનું યોગદાન હાલની બેઝિક સેલેરીના 12 ટકા જેટલું જ રહેશે. અધિકારીઓનું કહેવું છે કે તેનાથી કંઝપ્શન ડિમાન્ડ વધારવામાં મદદ મળી શકે છે. જેમાં સુસ્તીના કારણે ઈકોનોમિક ગ્રોથ પણ ઘટ્યો છે.

કર્મચારીઓને મળશે રાહત

શ્રમ અને રોજગાર મંત્રાલયના આધારે આ વાતો સોશ્યિલ સિક્યોરિટી બિલ 2019માં સામેલ છે. જેને ગયા અઠવાડિયે કેબિનેટે મંજૂરી આપી હતી. આ બિલની મદદથી દેશમાં 50 કરોડ લોકોને સામાજિક સુરક્ષા આપવાની દિશામાં સરકારે એક અન્ય પગલું લીધું છે. તેમાં સીએસઆરના આધારે એક સામાજિક સુરક્ષા કોષ એટલે કે સોશ્યિલ સિક્યોરિટી ફંડ બનાવવાની વાત કહી હતી. તેમાં કહેવામાં આવ્યું છે કે કર્મચારીઓને પેંશન, મેડિકલ, બીમારી, માતૃત્વ, મૃત્યુ અને અપંગતા સહિતની તકલીફમાં બેનિફિટ્સ મળી શકશે.

આ રીતે મળશે ફાયદો

મંત્રાલયે કર્મચારી ભવિષ્ય નિધિ સંગઠન (EPFO) અને કર્મચારી રાજ્ય વીમા નિગમ (ESIC) ની સ્વાયત્તા કાયમ રાખવાનો નિર્ણય લીધો છે. જ્યારે પહેલાં તેને કોર્પોરેટ જેવું રૂપ આપવાનો પણ પ્રસ્તાવ રાખવામાં આવ્યો હતો. બિલના આધારે જે જગ્યાઓએ ઓછામાં ઓછા 10 મજૂરો કામ કરે છે તેઓને ઈએસઆઈસીના આધારે વર્કર્સને અનેક ફાયદા આપવાના રહેશે અને મુશ્કેલ કામ કરનારા વર્કર્સને માટે તે સુવિધા અનિવાર્ય રહેશે.

જે કંપનીઓમાં 10થી વધારે મજૂરો કામ કરે છે તેઓ ESIC સ્કીમના આધારે સ્વૈચ્છિક રીતે આ ફાયદો કંપની પોતાના વર્કર્સને આપી શકે છે. આ સાથે ફિકસ્ડ ટર્મ કોન્ટ્રેક્ટ વર્કર્સ પ્રો-રાટા બેસિસ પર ગ્રેજ્યુટી મેળવવાના હકદાર રહેશે. તેમને આ માટે હવે એક કંપનીમાં ઓછામાં ઓછા 5 વર્ષ સુધી કામ કરવું પડશે નહીં. સોશ્યિલ સિક્યોરિટી કોડમાં 8 કેન્દ્રીય શ્રમ કાયદાનો સમાવેશ કરવામાં આવ્યો છે. 

ગ્રેચ્યુટી એટલે શું?

ગ્રેચ્યુઇટી એ તમારી સેવા માટે કંપની દ્વારા આપવામાં આવતા વધારાના લાભો છે, જે કર્મચારીએ કંપનીમાં પાંચ વર્ષ કામ કર્યા પછી જ પ્રાપ્ત થાય છે. કર્મચારીની મૃત્યુ જેવી કેટલીક અન્ય પરિસ્થિતિમાં પણ કંપની દ્વારા ગ્રેચ્યુટી આપવામાં આવે છે. કર્મચારીઓને ગ્રેચ્યુટી તરીકે એક મોટી રકમ મળે છે. આ રકમ કર્મચારીના પગાર અને તેની સેવાના સમયગાળાને આધારે નક્કી કરવામાં આવે છે.

મંત્રાલયે પ્રસ્તાવ મૂક્યો, કર્મચારીઓને લાભ થશે

હાલમાં કર્મચારીઓના કુલ માસિક પગારના 12 ટકા પી.એફ. માટે કાપવામાં આવે છે. આ સાથે, તેની કંપની વતી પણ તેના પીએફ ખાતામાં રકમ જમા કરવામાં આવે છે. મંત્રાલયે પીએફમાં 10 ટકાનો ઘટાડો કરવાની દરખાસ્ત કરી છે.

કર્મચારીઓના માસિક પગારમાં વધારો થશે

જો આ દરખાસ્ત અમલમાં મુકાય તો, પીએફ કપાતની બે ટકા કપાત કર્મચારીઓના માસિક પગારમાં ઉમેરવામાં આવશે. આ રીતે કર્મચારીઓના માસિક પગારમાં વધારો થશે. મંત્રાલયે ઇપીએફ અને એમપી એક્ટ 1952માં સુધારો કરવાની દરખાસ્ત કરી છે. આ અંગે સામાન્ય લોકોનો અભિપ્રાય પણ માંગવામાં આવ્યો હતો. 22 સપ્ટેમ્બર 2019 સુધી સામાન્ય લોકો પાસેથી સૂચનો માંગવામાં આવ્યા હતા.

નોકરોને પણ PFનો લાભ મળશે

તાજેતરમાં સમાચાર આવ્યા હતા કે PF યોજના ડ્રાઇવરો અને ક્લીનર્સ અને કૂકર માટે પણ ઉપલબ્ધ હશે. શ્રમ મંત્રાલય ટૂંક સમયમાં કર્મચારી ભવિષ્ય નિધિ સંગઠનને લગતા કાયદામાં ફેરફાર કરવાની દરખાસ્ત તૈયાર કરી રહ્યું છે. આ કાયદામાં સુધારા બાદ, તેનો અમલ આખા દેશમાં કરવામાં આવશે.