ઓફિસમાં મોડા પહોચવું સામાન્ય વાત છે આજકાલ ઘણા લોકો ટ્રાફિક કે બીજા કોઈ પ્રોબ્લેમ બતાવીને ઓફીસ લેત જતા હોય છે, ત્યારે એક માણસ પહેલીવાર 20 મિનીટ મોડો પહોચતા નોકરી ગુમાવી.
ઓફિસમાં મોડા પહોચવા પર નોકરી ગુમાવી
7 વર્ષમાં માત્ર એક જ વાર મોડા પહોચ્યા
લોકોએ પ્રતિક્રિયામાં કહ્યું આ નિર્યણ ખોટો
જ્યારે પણ તમે ઓફિસે મોડા પહોંચો છો ત્યારે બોસના કહેવાથી બચવા માટે ઘણા બહાના શોધી રાખો છો. આમ જોવા જઈએ તો માણસ મહિનામાં એકાદ-બે વાર મોડો પડતો હોય છે. પણ રોજ કોઈને મોડું થતું હોય તો ભાઈ... બોસ તો બગડવાના જ છે. જો કે અમેરિકાના ફ્લોરિડાથી એક એવો કિસ્સો સામે આવ્યો છે, જે જાણ્યા બાદ તમે ઓફિસ મોડા પહોંચવાનું ભાગ્યે જ ભૂલી શકશો. વાસ્તવમાં એક વ્યક્તિ 7 વર્ષમાં પહેલી વાર 20 મિનિટ મોડો ઓફિસ પહોંચ્યો અને કંપનીએ આ ભૂલ માટે તેને નોકરીમાંથી કાઢી મૂક્યો. આવી સ્થિતિમાં, હવે અન્ય કર્મચારીઓ ફરીથી તે વ્યક્તિને કંપનીમાં રાખવા માટે એક અભિયાન ચલાવી રહ્યા છે. આશા રાખીએ છે કે તે માણસને તેની નોકરી પાછી મળે.
પોતાના કાર્યકાળમાં પહેલી વાર મોડું થયું
'નો સ્ટોપ ઇટ સ્ટેપ બ્રો' નામના યુઝરે સોમવારે 'રેડિટ' પર એક લાંબી પોસ્ટ લખીને 'રેડિટ' 'એન્ટિવર્ક ફોરમ' પર એક લાંબી પોસ્ટ લખીને કહ્યું હતું કે, "અમારા એક સાથી, જેને 7 વર્ષથી વધુ સમય સુધી ક્યારેય મોડું થયું નથી. જ્યારે તે મોડો પહોંચ્યો ત્યારે તેને પ્રથમ વખતમાં જ કાઢી મૂકવામાં આવ્યો હતો. આ બધું ગયા અઠવાડિયે થયું હતું. આજે સોમવારે અમને ખબર પડી કે તેને 20 મિનિટ મોડા પહોંચવા બદલ નોકરીમાંથી કાઢી મૂકવામાં આવ્યો હતો. આવતીકાલે હું અને મારા બાકીના સાથીઓ મોડા આવીશું અને જ્યાં સુધી તેને ફરીથી નોકરી પર લેવામાં નહીં આવે ત્યાં સુધી અમે મોડા આવતા રહીશું. આ પોસ્ટ ઈન્ટરનેટ પર વાયરલ થઈ છે, જેને અત્યાર સુધી 78 હજારથી વધુ અપવોટ અને 4000થી વધુ કોમેન્ટ મળી ચૂકી છે.
લોકોએ કહ્યું- આ યોગ્ય નિર્યણ નથી
સેંકડો યૂઝર્સ તેના પર પોતાનું મંતવ્ય લખી રહ્યા છે. કેટલાક યુઝર્સે કહ્યું કે માત્ર 20 મિનિટના વિલંબને કારણે નોકરીમાંથી કાઢી મુકવું યોગ્ય નથી. તે પણ ત્યારે જ્યારે કોઇ પોતાની કારકિર્દીમાં પહેલી વાર મોડું થાય. સાથે જ કેટલાક યૂઝર્સે પોતાના અનુભવો શેર કર્યા હતા. એક વ્યક્તિએ લખ્યું- જ્યારે મોડું થતું ત્યારે અમને ચેતવણી મળતી હતી. જો તે વધારે પડતું હોય, તો તેઓ પગાર કાપી લેતા. પરંતુ નોકરીમાંથી બહાર કાઢવું યોગ્ય નથી. રિપોર્ટ અનુસાર આ ઘટના અમેરિકાના ફ્લોરિડામાં બની છે.