નિયમ / 3 મહિના સુધી સેલેરીમાંથી નહીં પણ અહીંથી જમા થશે તમારા PFના રૂપિયા, કરવું પડશે આ નિયમનું પાલન

• આવનારા 3 મહિના માટે લેવાયો આ નિર્ણય
• તમારા PFના રૂપિયા સેલેરીમાંથી નહીં કપાય
• સરકાર ભરશે તમારી સેલેરીના રૂપિયા

સરકારના નિર્ણયમાં કહેવાઈ છે આ વાત

ભારત સરકારે કહ્યું છે કે તે આગામી ત્રણ મહિના માટે એમ્પ્લોયર અને કર્મચારીના યોગદાન (દરેકમાં 12 ટકા) ચૂકવશે. જો તમારી પાસે તમારી સંસ્થામાં 100 કર્મચારી છે અને તેમાંથી 90 ટકા લોકો દર મહિને 15,000 રૂપિયાથી ઓછા કમાય છે. આનાથી તમને આર્થિક ફાયદો થશે અને તમારા પગારપત્રક પર કર્મચારીઓનું સાતત્ય પણ જાળવશે. ખાતરી કરી લો કે તમામ કર્મચારીઓને પગાર ચૂકવાશે અને આ સુવિધા મેળવવા માટે સમયસર ECR ફાઇલ કરો.

સરકારની શરતનો અર્થ

જે સંસ્થામાં 100 કર્મચારી છે અને 90 ટકા કર્મચારીઓની સેલેરી 15000થી પણ ઓછી છે તેઓને સરકારના આ નિયમનો ફાયદો મળી શકે છે. આવનારા 3 મહિનાને માટે તમારી સેલેરીમાંથી જનારા 12 ટકાનું યોગદાન તમારા અને 12 ટકા એમ્પલોયરનું યોગદાનને સરકારની તરફથી આપવામાં આવશે. 

ક્યારે કર્યો હતો સરકારે આ નિર્ણય

26 માર્ચે  કેન્દ્ર સરકારે આગામી ત્રણ મહિના માટે એમ્પ્લોઇઝ પ્રોવિડન્ટ ફંડ (એમ્પ્લોઇ પ્રોવિડન્ટ ફંડ) એકાઉન્ટ્સમાં એમ્પ્લોયર અને કર્મચારી બંનેના હિસાબની રકમની જાહેરાત કરી. નાણામંત્રી નિર્મલા સીતારમણે આ દિવસે કહ્યું હતું કે નાના નાના એકમોને રાહત આપવા સરકાર આગામી ત્રણ મહિના સુધી આ સંસ્થાઓના એમ્પ્લોયર અને કર્મચારીઓ બંને પાસેથી પ્રોવિડન્ટ ફંડ્સનું યોગદાન જમા કરશે. આ યોજના અંતર્ગત, સરકાર ઇપીએફ ખાતામાં એમ્પ્લોયર અને કર્મચારી બંનેના ભાવિ ભંડોળના ફાળો ત્રણ મહિના માટે જમા કરશે.

લગભગ 80 લાખ કર્મચારી અને 4 લાખ ઓર્ગેનાઈઝ્ડ સેક્ટરની યૂનિટને થશે ફાયદો

માનવામાં આવી રહ્યું છે કે સરકારના આ નિર્ણયથી 4 લાખ ઓર્ગેનાઈઝ્ડ સેક્ટરના યૂનિટ્સને ફાયદો મળશે અને સાથે જ તેનાથી કર્મચારીઓને પ્રોવિડન્ટ ફંડમાં રકમ ન નાંખવાનો ફાયદો પણ મળશે. માનવામાં આવી રહ્યું છે કે દેશના લગભગ 80 લાખ કર્મચારીઓને સરકારના આ પગલાંથી ફાયદો મળશે. 

શું છે પીએફનો નિયમ?

નિયમ અનુસાર એમ્પલોઈ પ્રોવિડન્ટ ફંડ ખાતામાં કંપની અને કર્મચારીની તરફથી પગારના 12-12 ટકાના આધારે રૂપિયા જમા કરે છે. તેમાંથી એક ભાગ કર્મચારીના પેન્શન ખાતામાં જમા થાય છે.