બનાસકાંઠામાં વિદ્યાર્થીઓ પાસે શિક્ષકો દ્વારા મજૂરીકામ કરાવતો વીડિયો સામે આવ્યો છે. લાખાણી તાલુકામાં આવેલી ઘુણસોલ માધ્યમિક શાળામાં વિદ્યાર્થીઓ પાસે મજૂરીકામ કરાવતો વીડિયો વાયરલ થયો છે.
વિદ્યાર્થીઓ પાસે રેતી ઉપાડવાનું કામ શિક્ષકો દ્વારા કરાવવામા આવે છે. ત્યારે વાલીઓમાં આ અંગે રોષ વ્યાપ્યો છે. વાલીઓનું કહેવું છે કે બાળકોને સ્કૂલમાં અભ્યાસ માટે મોકલવામાં આવે છે અને શિક્ષકો દ્વારા આ રીતે મજુરીકામ કરાવવી યોગ્ય નથી.
આ વીડિયો ગ્રામજનો દ્વારા જ વાયરલ કરવામાં આવ્યો છે. ઉલ્લેખનીય છે કે અગાઉ પણ બનાસકાંઠાંની શાળાઓમાં મજૂરીકામ કરાવતો વીડિયો વાયરલ થયો હતો.
એક તરફ સરકાર સર્વ શિક્ષણની વાતો કરે છે અને બીજી તરફ આ રીતે શાળાઓમાં વિદ્યાર્થીઓ પાસે મજૂરીકામ કરાવતા વાલીઓમાં પણ રોષ જોવા મળ્યો છે.
આ આવી રીતે બાળકો જોડે કામ કરાવવામા આવી રહ્યા છે તો બાળકો કેવી રીતે ભણીને આગળ આવશે તે પણ એક પ્રશ્ન છે આવી મજૂરી કરાવતા શિક્ષકો પર પગલાં લેવામાં આવે તેવી ગામલોકોની માંગ છે.