હિન્દુ યુવતીઓને પ્રેમજાળમાં ફસાવીને ધર્મપરિવર્તનનું દબાણ કરતા કિસ્સા વધી રહ્યા છે. ત્યારે વડોદરામાં આવો જ એક કિસ્સો સામે આવ્યો છે. સેલ્વિન પાઉલ પરમાર નામના યુવકે એક હિન્દુ યુવતીને પોતાના પ્રેમજાળમાં ફસાવી હતી.જે બાદ યુવકે તેને એવી બ્લેકમેલ કરી હતી અને ક્રૂરતાની હદ વટાવતા પોતાના હાથ પર જ ચીરા મારવા મજબૂર કરી હતી. પ્રેમમાં પાગલ થયેલી 23 વર્ષની યુવતીએ યુવકના સતત થઈ રહેલા દબાણથી પોતાના હાથ પર ઘા મારી ફોટો મોકલ્યા હતા.
શરીર પર બ્લેડના ઘા મારી, અંગત પળની વીડિયો આપી
વડોદરા શહેરની 23 વર્ષીય યુવતી સેલ્વિન પાઉલ પરમાર નામના એક યુવકના સંપર્કમાં આવી હતી. બે વર્ષ પહેલા બંનેનો પરિચય થયો હતો. જેના બાદ યુવકે યુવતીને પ્રેમજાળમાં ફસાવી હતી. ધોરણ 10 પાસ સેલ્વિન યુવતીને લગ્ન કરવા દબાણ કરવા લાગ્યો હતો.એસીપી પરેશ ભેસાણિયાના જણાવ્યા અનુસાર લગ્ન માટે દબાણ કરતા ખ્રિસ્તી યુવકે બાદમાં યુવતીને બ્લેકમેલ કરવાનુ શરૂ કર્યું. તેણે બંને વચ્ચેના અંગત પળોના વીડિયો બતાવીને તેને ધમકી આપી હતી.જેથી આઘાતમાં સરેલી પડેલી પીડિત યુવતીએ યુવકના ત્રાસથી છુટકારો મેળવવા પોતે જ પોતાના શરીર પર બ્લેડના ઘા માર્યા હતા અંગત પળની વીડિયો ક્લીપ યુવકને ભરોસો રાખી આપી હતી.
વીડિયો ક્લીપ વાયરલ કરવાની ધમકી આપી લગ્ન કર્યા
યુવકે વીડિયો ક્લિપનો દૂરપયોગ કર્યો હતો અને યુવતીને બ્લેકમેઇલિંગ કરવા લાગ્યો હતો અને પિશાચી આનંદ મેળવવા બ્લેડના ઘા મારી ફોટા મૂકવાની ધમકી આપવા લાગ્યો હતો.આખરે યુવતીને વીડિયો ક્લીપ વાઇરલ કરવાની ધમકી દબાણ કરીને પીડીતાને ફોસલાવી હતી અને તેને આણંદ ભગાડી લઈ ગયો હતો. જ્યાં બંનેએ ચર્ચમાં લગ્ન કર્યા હતા.
યુવતીના પરિવારે મોબાઇલ ચેક કરતાં ભાંડો ફૂટયો
બીજીતરફ પીડિત યુવતી ની મદદે આવેલા મહિલા સુરક્ષા સમિતિના શોભનાબેન રાવલે પીડિતા વતી જણાવ્યું હતું કે સેલ્વિને યુવતીને શારીરિક અને માનસિક ત્રાસ આપવાનુ શરૂ કર્યુ હતુ. એટલુ જ નહિ, યુવતીને ઘરમાં ગોંધી પણ રાખવામાં આવતી હતી. આ મામલે દીકરીના પિતાને જાણ થતા તેઓ દીકરીને પોતાના ઘરે લઈ આવ્યા હતા. સમગ્ર મામલો બહાર આવ્યા બાદ યુવતીના પિતાએ સેલ્વિન પાઉલ પરમાર, શ્વેતા પાઉલ પરમાર અને પાઉલ પરમાર સામે ફરિયાદ દાખલ કરી હતી યુવકે યુવતીને પ્રેમજાળમાં ફસાવ્યા બાદ સોશિયલ મીડિયાથી સતત સંપર્કમાં રહેતો હતો. યુવતીના પરિવારે મોબાઇલ ચેક કરતાં એમાં યુવક સાથેનું ચેટિંગ મળી આવ્યું હતું, જેમાં યુવક તેને એક જ મિનિટમાં બ્લેડથી 40થી 45 કાપા પોતાના શરીર પર મારવાનું કહી તેના ફોટા સોશિયલ મીડિયા પર મગાવી પિશાચી આનંદ લેતો હતો.
પોલીસની કામગીરી કેમ શંકાના દાયરામાં
ઉલ્લેખનીય છે કે પીડિતા એ યુવક દ્વારા અપાતી ધમકીઓ ના પુરાવા તેમજ બ્લેડના ઘા મારવા આપેલી દુષ્પ્રેરણા ના પુરાવા આપ્યા છતાં પોલીસે ફરિયાદમાં યુવક ના ત્રાસથી યુવતીએ જાતે જ ઘા માર્યા હોવાનો ઉલ્લેખ કરતા છાણી પોલીસની કામગીરી શંકાના ઘેરામાં છે ત્યારે આવનાર સમય માં પોલીસ યુવતીને ન્યાય અપાવી શકશે કે કેમ એ પ્રશ્ન અહીં ઉભો થાય છે આરોપી એ આણંદ ખાતે ચર્ચ માં યુવતી સાથે લગ્ન કર્યા હતા ત્યારે ત્યાંના પાદરી એ જિલ્લા મેજિસ્ટ્રેટની લેખિત પરવાનગી લીધી હતી કે કેમ? તેમજ યુવક સમગ્ર ગુના માં અન્ય પરિવાર ના સભ્યો એ પણ મદદ કરી હોવાથી પોલીસે તેઓ સામે પણ કાયદેસર ની કાર્યવાહી હાથ ધરી છે.