મુંબઈ એરપોર્ટ પર એક ઈમરજન્સી લેન્ડ઼િંગ દરમિયાન ફ્લાઈટ રન વે પર લપસી. ત્રિચીથી દુબઈ જતી એર ઈન્ડિયાની આ ફ્લાઈટનું મુંબઈ એરપોર્ટ પર ઈમરજન્સી લેન્ડિંગ કરવામાં આવ્યું.
આ દરમિયાન ફ્લાઈટ રન વે પર લપસ્યું હતુ અને દીવાલ સાથે અથડાયુ હતું. ત્યારે થોડી વાર માટે લોકોના જીવ તાળવે ચોટ્યા હતા. હાલ આ વિમાનને પાર્કિંગમાં રાખવામાં આવ્યું છે અને દુર્ઘટનામાં કોઈ જાનહાનિ થઈ નથી.
Trichy- Dubai Air India flight with 136 passengers on board hit the ATC compound wall at Trichy Airport yesterday and was diverted to Mumbai. The flight had got damaged under the belly was declared fit for operations after inspection at Mumbai Airport. pic.twitter.com/8cczII46Mp
વિમાનનું મુંબઇ ઉતરણ બાદ એરપોર્ટ અધિકારીઓએ આ ઘટના અંગે સમીક્ષા કરી હતી. જાણકારી અનુસાર ટક્કરના કારણે વિમાનના નીચેના હિસ્સામાં નુકસાન પહોંચ્યું હતું. જો કે તપાસ બાદ જ સાચી માહિતી સામે આવશે. પરંતુ વિમાનની ટક્કર એટલી જોરદાર હતી કે ત્રિચી એરપોર્ટ પરની એક દિવાલ ધસી પડી હતી.
આ મામલે એર ઇન્ડીયા એક્સપ્રેસે જણાવ્યું હતું કે આ ઘટના મામલે એક આંતરિક સમિતિની રચના કરવામાં આવશે. જો કે આ ઘટનાને કારણે પાયલોટ અને સાથી પાયલોટને તાત્કાલિક અસરથી ફરજથી હટાવી દેવામાં આવ્યા છે.
આ ઘટના અંગેની જાણકારી DGCA ને કરવામાં આવી હતી. આપને જણાવી દઇએ કે આ વિમાનમાં સવાર તમામ મુસાફરોને સુરક્ષિત રીતે વિમાનમાંથી ઉતારવામાં આવ્યા હતા અને અન્ય વિમાન દ્વારા દુબઇ મોકલવામાં આવ્યા હતા.