BIG ACTION / આ દેશમાં 50 વર્ષમાં પહેલી વાર ઇમરજન્સી થઈ લાગુ, વિરોધ પ્રદર્શનથી ડરી ગયા વડાપ્રધાન

• કેનેડામાં કોવિડ રૂલ હટાવવા ટ્રક માર્ચ 
• ડરી ગયેલા પ્રધાનમંત્રીએ લાગુ કરી ઇમર્જન્સી
• 50 વર્ષમાં પહેલી વખત લેવું પડ્યું આ પગલુ

કોવિડ શાસન સામે વિરોધ પ્રદર્શન 

કેનેડામાં કોવિડ રૂલના અંતની માંગ સાથે ચાલી રહેલા વિરોધ પ્રદર્શનને સમાપ્ત કરવા માટે કટોકટી લાગુ કરી છે. કેનેડાના વડા પ્રધાન જસ્ટિન ટ્રુડોએ ઇમરજન્સી એક્ટ લાગુ કરી દીધો છે. એક ન્યૂઝ એજન્સીએ ટ્વીટ કર્યું હતું કે, "કેનેડાના વડાપ્રધાન જસ્ટિન ટ્રુડોએ કોવિડ શાસન સામે થઈ રહેલા વિરોધનો અંત લાવવા માટે કેનેડામાં ઈમરજન્સી એક્ટ લાગુ કરી દીધો છે. ."

50 હજારથી વધુ ટ્રક ડ્રાઈવરો પ્રદર્શન

વડા પ્રધાન જસ્ટિન ટ્રુડોએ સોમવારે જણાવ્યું હતું કે ઇમર્જન્સીનાં નિયમો મુશ્કેલ સ્થિતિમાં જ ઉપ્યોગમાં લેવાય છે પણ છતાં તેમણે લાગુ કરવી પડે એમ છે, કારણ કે કેનેડામાં ટ્રક ડ્રાઇવરો રાષ્ટ્રવ્યાપી રોષના જવાબમાં દેશભરમાં વિરોધ કરી રહ્યા છે. ટ્રુડોએ કહ્યું, 'આ સાથે વાત હવે આપણી અર્થવ્યવસ્થા અને જનતાની સુરક્ષા પર આવી ગઈ છે. અમે ક્યારેય ગેરકાયદેસર અને જોખમી પ્રવૃત્તિઓને આગળ વધવાની મંજૂરી આપી શકતા નથી.

તમને જણાવી દઈએ કે કેનેડામાં કોવિડ-19 સંબંધિત પ્રતિબંધો વિરુદ્ધ પ્રદર્શન થઈ રહ્યા છે. કેનેડાની રાજધાની સહિત અનેક શહેરોમાં દેખાવો ચાલુ છે. રાજધાની ઓટાવાના ઘણા વિસ્તારો જામ થઈ ગયા છે. ઓટાવામાં 50 હજારથી વધુ ટ્રક ડ્રાઈવરો પ્રદર્શન કરી રહ્યા છે અને વિરોધીઓ વડાપ્રધાન જસ્ટિન ટ્રુડોના રાજીનામાની માંગ કરી રહ્યા છે.

કેનેડા યુએસ પુલ ખોલવામા આવ્યો 

વિરોધ કરનારાઓ એમ્બેસેડર બ્રિજ પર પણ એકઠા થયા હતા, જે યુએસ-કેનેડા સરહદ પરનો સૌથી વ્યસ્ત પુલ છે, પરંતુ લગભગ એક સપ્તાહ સુધી બંધ રહ્યા બાદ રવિવારે મોડી રાત્રે પુલ ફરી ખોલવામાં આવ્યો હતો. "એમ્બેસેડર બ્રિજ હવે સંપૂર્ણ રીતે ખોલવામાં આવ્યો છે, જે ફરી એકવાર કેનેડિયન અને યુએસ અર્થતંત્રો વચ્ચે કોમર્શિયલ માલસામાનના ફ્રી ફ્લો ને મંજૂરી આપે છે," બ્રિજના માલિક, ડેટ્રોઇટ ઇન્ટરનેશનલ બ્રિજ કંપનીએ એક નિવેદનમાં જણાવ્યું હતું.

વેક્સિન ફરજિયાત કરવા સામે પ્રદર્શન 

વિન્ડસર, ઑન્ટેરિયામાં પોલીસે અગાઉ જણાવ્યું હતું કે યુએસ શહેર ડેટ્રોઇટ સાથે કેનેડિયન ઓટોમોટિવ પ્લાન્ટને જોડતા પુલ પાસે બે ડઝનથી વધુ લોકોની ધરપકડ કરવામાં આવી હતી, સાત વાહનો દૂર કરવામાં આવ્યા હતા અને પાંચને જપ્ત કરવામાં આવ્યા હતા.

નોંધનીય છે કે કેનેડામાં કોરોના વેક્સિનને ફરજિયાત બનાવવા મુદ્દે શરૂ થયેલું પ્રદર્શન એક મોટું સંકટ બની ગયું છે. દરમિયાન, જસ્ટિન ટ્રુડોએ રાષ્ટ્રવ્યાપી વિરોધનો સામનો કરવા માટે ઈમરજન્સી સિચ્યુએશન એક્ટનો ઉપયોગ કર્યો છે.