અમેરિકાની સૌથી મોટી ફ્યુઅલ પાઈપલાઈન પર સાયબર એટેકેને કારણે ઈતિહાસમાં પહેલી વાર બાઈડન સરકારે સ્ટેટ ઈમરજન્સી લાગુ પાડી દીધી છે.
અમેરિકાની સૌથી મોટી ફ્યુઅલ પાઈપલાઈન પર સાયબર એટેક
બાઈડન સરકારે સ્ટેટ ઈમરજન્સી લાગુ પાડી
દેશનો 45 ટકા ફ્યુઅલ સપ્લાય Colonial Pipeline દ્વારા થાય છે
સૌથી મોટી ફ્યુઅલ પાઈપલાઈન Colonial Pipeline દ્વારા 45 ટકા ડીઝલ,પેટ્રોલ અને જેટ ફ્યુઅલનો સપ્લાય અમેરિકાને મળે છે. 8850 કિમી લાંબી પાઈપલાઈનથી રોજનો 25 લાખ બેરલ ફ્યુઅલ સપ્લાય થાય છે. ફ્યુઅલ પાઈપલાઈન ઓપરેટેરે જણાવ્યું કે સાયબર એટેક બાદ પાઈપલાઈનનું તમામ નેટવર્ક બંધ કરી દેવાયું છે અને સર્વિસને ફરી વાર ચાલુ કરવાની દિશામાં કામ ચાલી રહ્યું છે. આ ઘટનાને કારણે ભારત સહિત દુનિયાભરમાં ઈંધણના ભાવમાં વધારો થવાની સંભાવના છે.
અમેરિકાએ બનાવ્યો ઈમરજન્સી કાયદો
આ ઘટનાને પગલે ગંભીર બનેલી બાયડન સરકારે એક ઈમરજન્સી કાયદો બનાવ્યો છે. આ નવા કાયદા હેઠળ રસ્તા માર્ગે ઈંધણની અવરજવર થઈ શકે છે. 18 પ્રાંતોમાં ડ્રાઈવર પેટ્રોલ, ડીઝલ, જેટ ફ્યુઅલ અને બીજા રિફાઈન્ડ પેટ્રોલિયમ પ્રોડક્ટ્સ લઈ જવા વધારે કામ કરી શકે છે. સાયબર હુમલા બાદ Colonial Pipeline ને 3 દિવસ સુધી બંધ રાખવી પડી છે. એટલે 3 દિવસ સુધી દેશનો 45 ટકો ફ્યુઅલ સપ્લાય ખોરવાયો હતો. જેને કારણે બાયડન સરકારે ઈમરજન્સી કાયદો બનાવીને રસ્તા દ્વારા ફ્યુઅલની અવરજવરને મંજૂરી આપી દીધી છે.
ક્રિમિનલ ગેંગ ડાર્કસાઈડનું કરતૂત
મીડિયા રિપોર્ટ અનુસાર, ડાર્કસાઈડ નામે ઓળખાતી અને કાળા કરતૂત કરતી ક્રિમિનલ ગેંગે સાયબર એટેક કરીને પાઈપલાઈનનો પુરવઠો ખોરવી નાખ્યો હતો.મજાની વાત એ છે કે ડાર્કસાઈડ રોબિનહૂડની ઈમેજ ધરાવે છે.
સાયબર એટેક કરવા પાછળનું આ છે કારણ
સાયબર એટેક કરવામાં સંકળાયેલી ક્રિમિનલ ગેંગના હેકર્સ કમ્પ્યુટર સિસ્ટમને લોક કરી નાખે છે ત્યાર બાદ ડેટા એન્ક્રીકિપ્ટેટ કરી નાખે તથા આખા નેટવર્કનો કબજો કરી નાખે છે ત્યાર બાદ તેને અનલોક કરવા માટે મોટી રકમની માંગ કરે છે.