ન્યૂયોર્ક: અમેરિકાની યાત્રા પર આવેલા પાક પીએમ શાહિદ ખાકન અબ્બાસીની એરપોર્ટ પર સામાન્ય નાગરિકની જેમ કપડાં ઊતરાવીને ચેકિંગ કરવામાં આવ્યું. એનો વીડિયો વાયરલ થવા પર પોકિસ્તાનમાં રોષ જોવા મળ્યો.
વીડિયોમાં જોન એફ કેનેડી એરપોર્ટ પર પીએમ અબ્બાસીને કપડાં કઢાઇને ચેકિંગ કરાવતાં જોવા મળી રહ્યા છે. ટ્રંપ સરકાર પાકમાં વધતા આતંકવાદને જોતા ત્યાંના નાગરિકો પર વિઝા બેન લગાવવા પર વિચાર કરી રહી છે.
કહેવામાં આવી રહ્યું છે રે પીએમ અબ્બાસી ગત સપ્તાહે બિમાર બહેનને મળવા માટે ખાનગી મુલાકાત પર અમેરિકા ગયા હતા. જો કે એ દરમિયાન એ અમેરિકાના ઉપરાષ્ટ્રપતિ માઇક પેંસને પણ મળ્યા હતા.
આ બાબતે પાક મીડિયાએ કહ્યું કે ખાનગી યાત્રા પર પણ આવું ચેકિંગ થવું દેશની બેઇજ્જતી છે. પાકિસ્તાની ટીવી એન્કરનું કહેવું છે કે દેશના પીએમની પાસે ડિપ્લોમેટિક પાસપોર્ટ છે એવામાં ખાનગી મુલાકાત જેવી કોઇ ચીજ હોતી નથી.
પાક પીએમના ચેકિંગ પહેલા જ અમેરિકાએ સાત પાકિસ્તાની કંપનીઓને પરમાણુ વેપારના શકમાં પ્રતિબંધ લગાવી દીધો હતો. નોંધનીય છે કે આ પહેલા ટ્રંપ પ્રશાસને આશરે 25.5 કરોડ ડોલરની સહાયતા રકમ એવું કહીને લટકાવી દીધી હતી કે પાકિસ્તાને આતંકવાદ વિરુદ્ધ વધારે કડક વલણ દેખાડવું પડશે.