રાજનીતિ / ઇમેન્યુઅલ મેક્રોન સતત બીજી વખત બન્યા ફ્રાન્સના રાષ્ટ્રપતિ, PM મોદીએ શુભેચ્છા પાઠવી કહ્યું- સાથે કામ કરીશું

• ઈમેન્યુઅલ મેક્રોને મરિન લે પેનને ચૂંટણીમાં હરાવ્યા
• 4.80 કરોડ મતદારોએ મતદાન કર્યું હતું
• વિશ્વભરમાંથી વિજય મેળવવા બદલ અભિનંદન

ઈમેન્યુઅલ મેક્રોને મરિન લે પેનને ચૂંટણીમાં હરાવ્યા

ઈમેન્યુઅલ મેક્રોનને ચૂંટણીમાં 58.2 ટકા વોટ મળ્યા હતા. જ્યારે મરીન લે પેન માત્ર 41.8 ટકા વોટ મેળવી શકી હતી. બીજી તરફ મેક્રોનની જીત બાદ તેમના સમર્થકોએ પેરિસના એફિલ ટાવર પાસે વિજયની ઉજવણી કરી હતી. એફિલ ટાવર પાસે પરિણામો જાહેર થતાંની સાથે જ તેઓએ ફ્રેન્ચ અને યુરોપિયન યુનિયનના ધ્વજ લહેરાવીને એકબીજાને શુભેચ્છા પાઠવી.

Prime Minister Narendra Modi congratulates Emmanuel Macron on being re-elected as the President of France; tweets, "I look forward to continuing working together to deepen the India-France Strategic Partnership."

(File photos) pic.twitter.com/8fEFT6vWJF

— ANI (@ANI) April 25, 2022

PM મોદીએ ટ્વિટ કરીને શુભેચ્છા પાઠવી 

ફ્રાન્સના રાષ્ટ્રપતિની ચૂંટણીમાં ઈમેન્યુઅલ મેક્રોને સતત બીજી વખત ચૂંટણી જીત્યાં છે. ત્યારે PM મોદીએ ઇમેન્યુઅલ મેક્રોનને ફ્રાન્સના રાષ્ટ્રપતિ તરીકે પુનઃ ચૂંટાવા બદલ અભિનંદન પાઠવીને ટ્વિટ કરીને કહ્યું  "હું ભારત-ફ્રાન્સ વ્યૂહાત્મક ભાગીદારીને વધુ ગાઢ બનાવવા માટે સાથે મળીને કામ કરવાનું ચાલુ રાખવા માટે આતુર છું."

4.80 કરોડ મતદારોએ મતદાન કર્યું હતું

એક મીડિયા રિપોર્ટ અનુસાર ફ્રાન્સમાં યોજાયેલી રાષ્ટ્રપતિની ચૂંટણીમાં 4.80 કરોડ મતદારોએ પોતાનો મત આપ્યો હતો. ફ્રાન્સમાં રાષ્ટ્રપતિની ચૂંટણીના 2 તબક્કા છે. પ્રથમ તબક્કાની ચૂંટણી માટે 10 એપ્રિલે મતદાન થયું હતું. આ વખતે રાષ્ટ્રપતિની રેસમાં 12 ઉમેદવારો પોતાનું નસીબ અજમાવી રહ્યા હતા. વર્તમાન પ્રમુખ, 44 વર્ષીય ઇમેન્યુઅલ મેક્રોન, દક્ષિણપંથી વિચારધારા ધરાવતી મરીન લે પેન તરફથી ચૂંટણીમાં સૌથી મુશ્કેલ લડતનો સામનો કરી રહ્યા હતા.

લે પેને હિજાબ પર  સખતાઈ દેખાવી હતી. 

લે પેને ચૂંટણીના પ્રથમ તબક્કા પહેલા 7 એપ્રિલે જાહેરાત કરી હતી કે, જો તેણી પ્રમુખ બનશે તો જાહેર સ્થળોએ હિજાબ પહેરનારાઓને દંડ કરવામાં આવશે. લે પેને કહ્યું હતું કે જે રીતે વાહનોમાં સીટબેલ્ટ પહેરવાનું ફરજિયાત કરવામાં આવ્યું છે. તેવી જ રીતે આ નિર્ણય પણ લાગુ કરવામાં આવશે. તેમની જાહેરાતનો ફ્રાન્સમાં રહેતા મુસ્લિમોએ વિરોધ કર્યો હતો. જ્યારે સ્થાનિક ખ્રિસ્તીઓ તેના સમર્થનમાં હતા. એવું માનવામાં આવે છે કે મરીનની આ જાહેરાત બાદ મુસ્લિમોએ મેક્રોનના પક્ષમાં મતદાન કર્યું હતું.

વિશ્વભરમાંથી વિજય મેળવવા બદલ અભિનંદન

ઇમેન્યુઅલ મેક્રોનની આ જીત બાદ દુનિયાભરમાંથી અભિનંદન મળી રહ્યા છે. બ્રિટનના PM બોરિસ જોન્સને અંગ્રેજી અને ફ્રેન્ચ ભાષામાં ટ્વીટ કરીને તેમને જીત પર અભિનંદન પાઠવ્યા છે. તેમની સાથે ઈટાલિયન PM મારિયો ડ્રેગીએ પણ તેમને રાષ્ટ્રપતિની ચૂંટણીમાં જીત બદલ અભિનંદન પાઠવ્યા છે.ઉલ્લેખનીય છે કે, ઇમેન્યુઅલ મેક્રોનનો જન્મ 1977માં ફ્રાન્સના એમિન્સ શહેરમાં થયો હતો. તેણે ફિલોસોફીનો અભ્યાસ કર્યો. આ પછી તેણે 2004માં ENAમાં ગ્રેજ્યુએશન કર્યું. અભ્યાસ પૂરો કર્યા પછી, તેમણે 4 વર્ષ સુધી બેંકિંગ ક્ષેત્રમાં કામ કર્યું. આ પછી, વર્ષ 2012 માં, તેઓ રાષ્ટ્રપતિ કાર્યાલયમાં ઉપ મહાસચિવ બન્યા.

વર્ષ 2016માં પ્રથમ રાષ્ટ્રપતિ બન્યા હતા

ઇમેન્યુઅલ મેક્રોન પ્રતિભા જોઈને તેમને વર્ષ 2014માં ફ્રાન્સના નાણામંત્રી બનાવવામાં આવ્યા હતા. વર્ષ 2016માં, તેઓ પ્રથમ વખત ફ્રાન્સના રાષ્ટ્રપતિ બન્યા અને હવે તેઓ સતત બીજી વખત આ પદ પર કબજો કરવામાં સફળ થયા છે.