ગજબ કહેવાય / પેસિફિક મહાસાગરમાંથી મળી આવ્યો અનોખો ટ્રાન્સપરન્ટ ઓક્ટોપસ, શરીર પર દેખાય છે માત્ર આંખો

• આ ઓક્ટોપસના શરીરમાં માત્ર આંખ દેખાય છે 
• દરિયાના 3280થી 9800 ફૂટ નીચે રહે છે ટ્રાન્સપરન્ટ  ઓક્ટોપસ
• શિકાર કરવા માટે કરે છે પોતાના અનોખા શરીરનો ઉપયોગ 

પેસિફિક મહાસાગરના સુદૂર વિસ્તારમાં એક અનોખો ઓકટોપસ જોવા મળ્યો છે. આ ઓકટોપસ સંપૂર્ણ રીતે ટ્રાન્સપરન્ટ  છે. તેના શરીરમાં માત્ર તેની આંખ, આંખની નસ અને અન્નનળી સ્પષ્ટ રીતે જોવા મળે છે. બાકીના અંગો વાદળી રંગના કાચની જેમ ટ્રાન્સપરન્ટ  દેખાય છે. તેનો વીડિયો દરિયાની અંદર ડાઇવિંગ કરી રહેલા એક રોબોટદ્વારા બનાવવામાં આવ્યો છે. 

દરિયાઇ જીવોના અભ્યાસ માટે દરિયામાં મુકવામાં આવ્યો છે રોબોર્ટ 
દરિયાઇ જીવ વિજ્ઞાનિકોના એક જૂથે છેલ્લા 34 દિવસોથી ઓસ્ટ્રેલિયાના સિડનીથી 5100 કિલોમીટર ઉત્તર-પૂર્વમાં સ્થિત ફોનિક્સ આઇલેન્ડના દરિયાઇ વિસ્તારમાં રિસર્ચ કરી રહ્યા છે. વિજ્ઞાનિકોએ દરિયાઇ જીવનના અભ્યાસ માટે એક રોબોર્ટને દરિયાની અંદર મુક્યો છે. આ ટ્રાન્સપરન્ટ  ઓક્ટોપસ પાણીમાં તરતી વખતે રોબોટના કેમેરામાં કેપ્ચર થઈ ગયો. કાંચ જેવા દેખાતા અન્ય ટ્રાન્સપરન્ટ  જીવો જેવા કે ગ્લાસ ફ્રોગ અને કોમ્બ જેલીની જેમ આ ઓક્ટોપસ પણ સંપૂર્ણ રીતે ટ્રાન્સપરન્ટ  છે. 

Rough day? Let this glass octopus soothe you https://t.co/wYjMkfQDLX (Footage from Schmidt Ocean Institute @wenschmidt @ericschmidt) pic.twitter.com/zLS3Acb65Q

— Laura Geggel (@LauraGeggel) July 13, 2021

પ્રથમ વાર મળ્યો છે સીફેલોપોડ્સનો સ્પષ્ટ ફોટો
દરિયાઇ જીવ વિજ્ઞાનિકોને કાંચ જેવો ટ્રાન્સપરન્ટ  ઓક્ટોપસ બે વખત જોવા મળ્યો. બીજી વખત જોવા મળેલા ઓક્ટોપસનો રંગ થોડો અલગ હતો. તે લાલ રંગનો ટ્રાન્સપરન્ટ  ઓકટોપસ હતો. વૈજ્ઞાનિક દ્વારા તેના પર સ્ટડી કર્યા બાદ સામે આવ્યું કે તે તેના ટ્રાન્સપેરેન્સીનો ઉપયોગ શિકાર કરવા માટે અને અને પોતાના બચાવ માટે કરે છે. એવું પ્રથમ વાર થયું છે કે વિજ્ઞાનિકોને સીફેલોપોડ્સનો સ્પષ્ટ ફોટો મળ્યો છે. અગાઉ આવા પ્રકારના દરિયાઇ જીવની તસ્વીર મળવું અઘરું હતું.       

ગ્લાસ ઓકટોપસ રહે છે દરિયાના 3280થી 9800 ફૂટ નીચે 
ઇન્ટરનેશનલ યુનિયન ફોર કંજરવેશન ઓફ નેચર અનુસાર, ગ્લાસ ઓકટોપસની શોધ 1918માં કરવામાં આવી હતી. આ જીવ વિશે વૈજ્ઞાનિકોએ પણ વધુ માહિતી મેળવી શક્યા નથી. સામાન્ય રીતે ટ્રાન્સપરન્ટ  ઓકટોપસ ટ્વિલાઈટ જોનમાં રહે છે. ટ્વિલાઈટ ઝોન દરિયાના 656થી 3280 ફૂટ નીચે હોય છે. પરંતુ ઘણા ગ્લાસ ઓક્ટોપસ 3280થી 9800 ફિટ ઊંડાણમાં પણ રહે છે. તેને મિડનાઇટ ઝોન(બેથીપિલેઝિક) કહેવાય છે. હાલમાં જે ગ્લાસ ઓક્ટોપસ જોવા મળ્યો છે તે મિડનાઇટ ઝોનમાં તરી રહ્યો હતો. જનરલ ઓફ ધ મરીન બાયોલોજિકલ અસોસિએશન ઓફ ધ યુનાઈટેડ કિંગડમના એક રિપોર્ટ અનુસાર ગ્લાસ ઓકટોપસની આંખોનો આકાર સિલેન્ડર જેવો એટલ માટે છે કેમકે તેનાથી તે અંધારામાં પણ શિકાર અને શિકારીયોને સરળતાથી જોઈ શકે છે. વેસલ ફાલકોર નામના સાઇન્ટિફિક જહાજે આ ટ્રાન્સપરન્ટ  ઓકટોપસની શોધ કરી હતી.