કેનેડિયન ગાયિકા ગ્રિમ્સે પોતાની આખી પીઠ પર એલિયને હુમલો કરીને જખ્મી કરી હોય તેવા નિશાનનુ ટેટુ બનાવડાવ્યુ છે. પહેલી નજરમાં મોટી સંખ્યામાં ઇન્સ્ટા પર તેના ટેટુની લોકોએ પ્રશંસા કરી છે.
પોતાના ઇન્સ્ટાગ્રામ અકાઉન્ટ પર આ તસવીર શૅર કરતા ગ્રિમ્સે તસવીરની ક્વોલિટીને લઇને ફરિયાદ કરી છે. ગ્રિમ્સે કહ્યું કે તેની પાસે આનાથી સારી તસવીર નથી તે ખુબ પીડાદાયક છે. આટલુ જ નહી તેણે આ ટેટુને એલિયાનના જખ્મોવાળુ નિશાનને ખુબસુરત પણ ગણાવ્યું છે.
મંગળ ગ્રહ પર રહેવા તૈયાર
ગ્રિમ્સના આ ટેટુ પર સોશ્યલ મિડીયામાં ઘણા લોકો તેની પ્રશંસા કરી રહ્યાં છે. અત્યાર સુધી 3 લાખ કરતા વધારે લોકો આ તસવીરને લાઇક કરી ચૂક્યા છે. ગ્રિમ્સ પણ પોતાના બોયફ્રેન્ડની જેમ મંગળ પર વસી જવાના સપના જોવે છે. તેણે ઇન્સ્ટા પર એક પોસ્ટમાં લખ્યુ હતુ કે તે મંગળ ગ્રહ પર મરવા તૈયાર છે. ગ્રિમ્સનું આવુ નિવેદન તેવા સમય પર આવ્યુ હતુ જ્યારે એલન મસ્ક મંગળ ગ્રહ પર જવા પોતાના સ્ટારશિપ રોકેટનું પરિક્ષણ કરી રહ્યો હતો.
સિંગર ગ્રિમ્સ અને એલન મસ્કનો દિકરો X Æ A-Xii છે. ગ્રિમ્સે ઇન્સ્ટાગ્રામ પર લખ્યુ કે તે મંગળ ગ્રહની લાલ ધૂળ પર મરવા તૈયાર છે. આ પહેલા એક સવાલ જવાબમાં ગ્રિમ્સે લખ્યુ હતુ કે તે 50 વર્ષની ઉંમરમાં મંગળ ગ્રહ પર જવા માગે છે. જેનાથી તે લાલ ગ્રહ પર માણસોનું ઘર બનાવવામાં મદદ કરી શકે. આ નિવેદન પણ ત્યારે આવ્યુ હતુ જ્યારે એલન મસ્કે કહ્યું હતુ કે તે ત્રીજા વિશ્વયુદ્ધ પહેલા મંગળ પર માણસોની સૃષ્ટિ વસાવી લેશે.