એક વર્તમાન કર્મચારી અને તાજેતરમાં કંપની છોડનાર એક વ્યક્તિએ જણાવ્યું હતું કે "મસ્ક કેટલાક ટોચના કર્મચારીઓને મળી રહ્યો છે અને તેમને ટ્વિટરમાં રહેવા માટે સમજાવવાનો પ્રયાસ કરી રહ્યા છે"
સોમવાર સુધી ટ્વિટરની ઘણી ઓફિસો બંધ
લગભગ 360 લોકોની "સ્વૈચ્છિક છટણી"
ઓછામાં ઓછા 50% કર્મચારીઓ છોડી દેશે.ટ્વિટર
નવા માલિક એલોન મસ્કના અલ્ટીમેટમને પછી અઢળક ટ્વિટરના કર્મચારીઓએ મુશ્કેલીમાં મુકાયેલી સોશિયલ મીડિયા કંપની છોડી દીધી છે. કનવી દઈએ કે સીએનબીસીના રિપોર્ટ અનુસાર રાજીનામા બાદ ટ્વિટરની ઘણી ઓફિસને સોમવાર સુધી બંધ કરી દેવામાં આવી છે આ સિવાય રાઈટર્સના જણાવ્યા મુજબ વર્કપ્લેસ એપ બ્લાઈન્ડ પરના એક સર્વેમાં 180 માંથી 42% લોકોએ "છોડીને જવાનો"વિકલ્પ પસંદ કર્યો હતો. 25% લોકોએ "અચકાતા અને અનિચ્છાએ હા'' પર ક્લિક કર્યું હતું અને માત્ર 7% લોકોએ "રહેવા માટે હા'' પર ક્લિક કર્યું અને કહ્યું - હું આ વિશે કટ્ટર છું. જણાવી દઈએ કે વર્કપ્લેસ એપ બ્લાઈન્ડ વિશ્વભરના કર્મચારીઓની ચકાસણી કરે છે અને એમના ઓફિસના ઇમેઇલ સરનામાંઓ દ્વારા ચકાસે છે અને તેમને અજ્ઞાત રૂપે માહિતી શેર કરવા માટેની મંજૂરી આપે છે.
Important to admit when I’m wrong & firing them was truly one of my biggest mistakes
સોમવાર સુધી ટ્વિટરની ઘણી ઓફિસો બંધ
એક વર્તમાન કર્મચારી અને તાજેતરમાં કંપની છોડનાર એક વ્યક્તિએ જણાવ્યું હતું કે "મસ્ક કેટલાક ટોચના કર્મચારીઓને મળી રહ્યો હતો અને તેમને રહેવા માટે સમજાવવાનો પ્રયાસ કરી રહ્યો હતો," જો કે હજુ સુધી તે સ્પષ્ટ નથી કે કેટલા કર્મચારીઓએ રહેવાનું નક્કી કર્યું છે પણ કંપની છોડનારા લોકોની સંખ્યા માત્ર કર્મચારીઑની અનિચ્છાને દર્શાવે છે." જણાવી દઈએ કે મસ્કે ટ્વિટરના ટોચ મેનેજમેન્ટ સહિત અડધા કર્મચારીઓને બરતરફ કરવાની ઉતાવળ કરવાની સાથે સાથે કંપનીની કાર્યશૈલીમાં પણ ઘણા ફેરફાર કર્યા છે આ કારણે હવે ટિવટર્ન કર્મચારીઓ ખુદ ટ્વિટર છોડીને જવા માંગે છે. સ્ત્રોત અનુસાર કંપનીએ એમના કર્મચારીઓને જાણ કરી હતી કે તે સોમવાર સુધી તેમની ઓફિસો બંધ કરશે અને બેજનું ઍક્સેસને કાપી નાખશે. આ ઉપરાંત એવું પણ કૅન્વા મળ્યું હતું કે સુરક્ષા અધિકારીઓએ ગુરુવારે સાંજે કર્મચારીઓને ઓફિસમાંથી બહાર કાઢવાનું શરૂ કરી દીધું હતું.
લગભગ 360 લોકોની "સ્વૈચ્છિક છટણી"
હાલ જ ટ્વિટરે તેની કોમ્યુનિકેશન ટીમના ઘણા સભ્યો ગુમાવ્યા છે જો કે આ લોકોને આ બાબતે ટિપ્પણી કરવા માટે કહેવામાં આવ્યું હતું પણ એમને કોઈ જવાબ નહતો આપ્યો એવામાં એક ભૂતપૂર્વ કર્મચારીના જણાવ્યા અનુસાર, સિગ્નલ પર લગભગ 50 ટ્વિટર કર્મચારીઓ સાથેની ખાનગી વાતચીતમાં, લગભગ 40 લોકોએ કહ્યું કે તેઓએ નોકરી છોડવાનો નિર્ણય લીધો છે. સ્લેક જૂથની જાણકારી રાખનાર એક વ્યક્તિએ જણાવ્યું હતું કે લગભગ 360 લોકો "સ્વૈચ્છિક છટણી" નામની નવી ચેનલમાં જોડાયા છે,બ્લાઈન્ડ પરના એક અલગ સર્વેમાં કર્મચારીઓને અંદાજ કાઢવા માટે કહેવામાં આવ્યું કે કેટલા ટકા કર્મચારીઓ ટ્વિટર છોડશે. અડધાથી વધુ ઉત્તરદાતાઓનો અંદાજ છે કે ઓછામાં ઓછા 50% કર્મચારીઓ છોડી દેશે.
હાર્ડકોર બનવાની જરૂર છે - મસ્ક
બે અઠવાડિયામાં આવું બીજી વખત બન્યું, જ્યારે ટ્વિટરના કર્મચારીઓએ આટલી સંખ્યામાં નોકરીને અલવિદા કહ્યું. રોઇટર્સ દ્વારા સમીક્ષામાં સાંજે 6 વાગ્યા સુધીમાં, યુનાઇટેડ સ્ટેટ્સ અને યુરોપમાં બે ડઝન કરતાં વધુ ટ્વિટર કર્મચારીઓએ જાહેર કર્યું કે તેઓ ટ્વિટરમાં તેમની નોકરી છોડી રહ્યાં છે. જો કે હજુ સુધી દરેક રાજીનામાની સ્વતંત્ર રીતે ચકાસણી થઈ શકી નથી. બુધવારે સવાર મસ્કે ટ્વિટર કર્મચારીઓને ઈમેલ કરીને કહ્યું કે, "આગળ વધવું, સફળ ટ્વિટર 2.0 બનાવવા અને વધુને વધુ સ્પર્ધાત્મક વિશ્વમાં સફળ થવા માટે આપણે અત્યંત હાર્ડકોર બનવાની જરૂર પડશે."
આ સાથે જ કર્મચારીઓને 'હા' ક્લિક કરવાનું કહેવામાં આવ્યું હતું જેના પરથી એમ સમજવામાં આવવાનું હતું કે તેઓ કામ કરવા માંગે છે અને જેઓ ગુરુવારે સાંજે 5 વાગ્યા સુધીમાં જવાબ નહીં આપે તેઓ કંપની સાથે રહેવા માંગતા નથી તેવું માનવામાં આવશે અને તેમને કંપનીમાંથી બહાર કરવા માટે કાર્યવાહી કરવામાં આવવાની હતી. જેમ જેમ સમયમર્યાદા નજીક આવી હતી એમ એમ ટ્વિટરની અંદરની એક ટીમે સામૂહિક રીતે ટ્વિટર છોડવાનું નક્કી કર્યું હતું.