એલન મસ્કે ટ્વિટરનો ઉપયોગ કરવાવાળી કંપનીઓ માટે ગોલ્ડ ટીક, સરકાર માટે ગ્રે કલરનું ટીક અને અન્ય વ્યક્તિઓ માટે બ્લુ ટિક વેરિફાઈડ સુવિધા ડિઝાઈન કરી છે.
2જી ડિસેમ્બરે વેરિફાઈડ સેવા શરૂ કરશે
બ્લુ ટીક વાળું ફ્યુચર શરૂ કરતા પહેલા એકાઉન્ટની ખરાઈ કરાશે
એલન મસ્કે લોકોનાં અભિપ્રાય માંગ્યા
ટ્વિટરના નવા માલિક બન્યા બાદ એલોન મસ્કે શુક્રવારે મોટી જાહેરાત કરી હતી કે 2 ડિસેમ્બર એટલે કે શુક્રવારે વેરિફાઈડ નામનું વેરિફિકેશન ફ્યુચર લોન્ચ કરશે. તેમણે કહ્યું કે કંપનીઓ માટે ગોલ્ડ ટીક, સરકાર માટે ગ્રે કલરનું ટીક અને વ્યક્તિઓ માટે બ્લુ ટીકે વાળું ફ્યુચર તૈયાર કરવામાં આવ્યું છે. આ ટીકોને શરૂ કરતા પહેલા તમામ એકાઉન્ટની ખરાઈ કરવામાં આવશે.
2જી ડિસેમ્બરે વેરિફાઈડ શરૂ કરશે
એમણે કહ્યું કે મોડું થયું તે બદલ માફ કરજો, તેઓ આગામી અઠવાડિયે શુક્રવારે 2જી ડિસેમ્બરે વેરિફાઈડ લોન્ચ કરી રહ્યા છે. કંપનીએ નકલી એકાઉન્ટસને કારણે તાજેતરમાં જાહેર કરેલી તેની $8 બ્લુ ટિક સબ્સ્ક્રિપ્શન સેવા બંધ કરી દીધી હતી અને કહ્યું હતું કે માંગને પગલે બ્લુ ટીક સબ્સ્ક્રિપ્શન સેવા 29 નવેમ્બરના રોજ ફરી શરૂ કરવામાં આવશે. પરંતુ બાદમા બ્લુ ટિક સબ્સ્ક્રિપ્શન રી-લોન્ચ પર પણ પ્રતિબંધ મુકી મૂકવામાં આવ્યો હતો. આઈકોનિક બ્લુ ટિક માર્ક અગાઉ રાજકારણીઓ, મોટી હસ્તીઓ અને અન્ય જાહેર વ્યક્તિઓને વેરિફાઈડ એકાઉન્ટ માટે આરક્ષિત હતુ.
એલન મસ્કે લોકોનાં અભિપ્રાય માંગ્યા
એલન મસ્કે ટ્વિટર પર પ્રતિબંધ વાળા યુઝર્સ માટે મોટો નિર્ણય કર્યો છે. હવે મસ્ક બંધ કરેલ એકાઉન્ટને ફરી શરૂ કરશે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનાં ટ્વિટર એકાઉન્ટને ફરી રિસ્ટોર કર્યા બાદ અન્ય સસ્પેન્ડ કરાયેલા એકાઉન્ટને પણ શરૂ કરવામાં આવશે. 24 નવેમ્બરના રોજ મસ્કએ લોકોની પાસેથી તેમનો અભિપ્રાય પૂછવામાં આવ્યો. જેમાં લોકોને પૂછ્યું હતું કે શું ટ્વિટરે સસ્પેન્ડ કરેલા એકાઉન્ટ માટે સામાન્ય માફી માંગવી જોઈએ. જેના પર 72.04 ટકા લોકોએ હા માં જવાબ આપ્યો હતો.
આગામી અઠવાડિયાથી પ્રક્રિયા શરૂ થશે
ટ્વિટરે પોલના માધ્યમથી લોકોનાં અભિપ્રાય જાણ્યા બાદ એક નવું ટ્વિટ કર્યું છે. ગુરૂવારે મોડી રાત્રે, એલોન મસ્કે ટ્વિટ કર્યું કે યુઝર્સ જે ઈચ્છશે તે થશે. ત્યારે સસ્પેન્ડ કરેલ એકાઉન્ટ ફરી શરૂ કરવા માટે તેઓ પર સ્ટેમ્પ લગાવવામાં આવશે. મસ્કે એવું પણ કહ્યું કે ટ્વિટરે સસ્પેન્ડ કરેલ એકાઉન્ટને ફરી શરૂ કરવાની પ્રક્રિયા આગામી અઠવાડિયાથી શરૂ થશે.