અમેરિકા / Video: ખભે બાળક, કાન પકડેલા, અને એલન મસ્ક પહોંચ્યા મીટિંગમાં, ડોનાલ્ડ ટ્રમ્પ પણ આશ્ચર્યમાં

અબજોપતિ ઉદ્યોગપતિ એલન મસ્ક યુએસ રાષ્ટ્રપતિ ડોનાલ્ડ ટ્રમ્પ સાથે વ્હાઇટ હાઉસના ઓવલ ઓફિસ પહોંચ્યા હતા. તેમનો નાનો દીકરો X Æ A-Xii પણ તેમની સાથે હતો અને તે તેના પિતાના ખભા પર સવાર હતો. એક મહત્ત્વપૂર્ણ મીટિંગ દરમિયાન પિતાના ખભા પર બેસીને મજા કરતો જુનિયર મસ્કનો વીડિયો ખૂબ વાયરલ થઈ રહ્યો છે.

ચાર વર્ષનો માસૂમ તેના પિતાના ખભા પર ચઢીને તેમની નકલ કરતો જોવા મળ્યો. આ વીડિયો અલગ-અલગ સોશિયલ મીડિયા પ્લેટફોર્મ પર વાયરલ થઈ રહ્યો છે. દરમિયાન બાળક પત્રકારોને હસાવતો અને રાષ્ટ્રપતિ અને મસ્કના સંબોધન ત્યાં ફરતો જોવા મળ્યો.

ઓવલ ઓફિસમાં મસ્તી કરતો જોવા મળ્યો જુનિયર મસ્ક

મસ્કનો નાનો દીકરો ઓવલ ઓફિસમાં ખૂબ મસ્તી કરતો જોવા મળ્યો. તે પણ એવા સમયે જ્યારે ટ્રમ્પ ફેડરલ વર્કફોર્સને ફરીથી આકાર આપવાના આદેશ પર હસ્તાક્ષર કરી રહ્યા હતા. આ દરમિયાન રાષ્ટ્રપતિ ટ્રમ્પે બાળકને 'એક મહાન વ્યક્તિ' અને 'અત્યંત બુદ્ધિશાળી' ગણાવ્યો.

સોશિયલ મીડિયા પર વાયરલ થયો વીડિયો

સોશિયલ મીડિયા પર 'લિટલ એક્સ' અને તેની મસ્તીએ બધાનું ધ્યાન ખેંચ્યું છે. ત્યાં હાજર પત્રકારો સામે હસતા અને મસ્કના ખભા પર બેઠેલા બાળકના ફોટો ઓનલાઈન વાયરલ થયા. મોટી ઘણા લોકોએ એક નીતિ જાહેરાત દરમિયાન નાના બાળકની આ મસ્તીને ખૂબ જ પસંદ કરી રહ્યા છે.

આ પણ વાંચો: ટ્રમ્પ સાથે મુલાકાત, પ્રાઇવેટ ડિનર, કંઇક આવું છે PM મોદીનું US શેડ્યૂલ

એલન મસ્કે પણ એક પોસ્ટ શેર કરી છે. આમાં, તેમનો દીકરો તેમના ખભા પર બેઠેલો જોવા મળે છે. યુઝર્સે ટ્રમ્પ સાથેના લિટલ એક્સના ફોટોની સરખામણી જેએફકે અને તેમના દીકરાના જૂના ફોટા સાથે કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ