અફવાઓનો અંત / વર્ષોથી નથી મળ્યું સેકસ! મિત્રની પત્ની સાથે અફેરની અફવા બાદ એલન મસ્કે ટ્વિટ કરીને શું કહ્યું જુઓ

• બિઝનેસ ન્યૂઝમાં એલન મસ્કના અફેર બાદ ખળભળાટ 
• આ ન્યૂઝ પર એલન મસ્કે તોડી ચુપ્પી 
• રિપોર્ટમાં મસ્કના ગૂગલના કો-ફાઉન્ડરની પત્ની સાથે અફેરનો દાવો 

અમેરિકાના એક બિઝનેસ અખબારમાં રવિવારે દુનિયાના સૌથી ધનિક વ્યક્તિ એલન મસ્કના અફેરના સમાચાર પ્રકાશિત થતા જ સમગ્ર વિશ્વમાં ખળભળાટ મચી ગયો હતો. આ રિપોર્ટમાં દાવો કરવામાં આવ્યો છે કે મસ્કનું ગૂગલના કો-ફાઉન્ડર સર્ગેઈ બ્રિનની પત્ની સાથે અફેર હતું. રિપોર્ટમાં એમ પણ કહેવામાં આવ્યું છે કે આ જ કારણ છે કે સર્ગેઈ બ્રિન સાથે મસ્કની મિત્રતા પણ ખતમ થઈ ગઈ હતી. આ પછી મસ્કે આ રિપોર્ટને સંપૂર્ણપણે બકવાસ ગણાવી દીધો હતો. 

શેર કરી તસ્વીર 
મસ્કે તેની સ્પષ્ટતામાં એક ન્યૂઝની એક તસવીર શેર કરી છે જેમાં તે સેર્ગેઈ બિન સાથે પાર્ટી કરતો જોવા મળે છે. મસ્કનો દાવો છે કે આ તસવીર ગઈકાલ રાતની છે. આ ફોટામાં મસ્ક અને બિનને બે અજાણી મહિલાઓ સાથે પાર્ટી કરતા બતાવવામાં આવ્યા છે. જો કે આ વીડિયોમાં એ સ્પષ્ટ નથી થયું કે આ પાર્ટી ક્યાં ચાલી રહી છે. જોકે એલન મસ્કે આ વિશે ટ્વીટ કર્યા બાદ તેને ડિલિટ કરી દીધુ હતું. 

ટેસ્લાને કમજોર કરવા માંગે છે WSJ 
મસ્કે કહ્યું કે તે અને સર્ગેઈ હજી પણ મિત્રો છે અને ગઈકાલે રાત્રે એક સાથે પાર્ટીમાં હતા. મસ્કે કહ્યું કે તેણે નિકોલને છેલ્લા ત્રણ વર્ષમાં માત્ર બે વાર જ જોયો છે અને બંને વખત ઘણા લોકોની વચ્ચે મળ્યો છે. અમારી વચ્ચે રોમેન્ટિક કંઈ નથી. 

મસ્કે જણાવ્યું હતું કે અગાઉ તેમની અને ટેસ્લા વિરુદ્ધ ગમે તે ન્યૂઝ પ્રકાશિત કરવામાં આવ્યા હતા. મસ્કે જણાવ્યું હતું કે તે ટેસ્લાના સ્ટોકને નબળો પાડવા માટે તેમની સામે હિટ-પીસ ચલાવી રહ્યા છે. 

શું કહ્યું મસ્કે? 
મસ્કએ કહ્યું, આ ચારિત્ર્ય હત્યાનું નવું લેવલ છે. હું કલાકો સુધી કામ કરતો માણસ છું. મારી પાસે આ બધા માટે સમય નથી. આશ્ચર્યની વાત એ છે કે, આ કથિત ખોટા કામોમાં કોઈનો ઈન્ટરવ્યુ પણ લેવામાં આવ્યો ન હતો. આ છાપાના વાચકો માટે શરમજનક છે. આ છાપુ મેગેઝિન માટે શ્રેષ્ઠ ધોરણ માનવામાં આવે છે. તેમણે વાંચકો માટે મહત્વની વાર્તાઓ ચલાવવી જોઈએ. જે કંઈક ઠોસ વાત જણાવતી હોય. ન કે અફવાહ. 

અખબારે કર્યો હતો દાવો 
એક અખબારે આ અગાઉ તેના રિપોર્ટમાં જણાવ્યું હતું કે એલોન મસ્કનું ગૂગલના કો-ફાઉન્ડર સર્ગેઈ બ્રિનની પત્ની નિકોલ શાનાહન સાથે અફેર હતું અને તેના કારણે બંને વચ્ચે છૂટાછેડાની પરિસ્થિતિ આવી ગઈ હતી અને આજ કારણે સર્ગેઈ બ્રિને તેમના સલાહકારોને એલોન મસ્કની કંપનીમાં કરેલા કોઈપણ રોકાણને વેચવા કહ્યું છે.

યુએસ અખબારે આ બાબતથી પરિચિત અજાણ્યા લોકોના હવાલે જણાવ્યું હતું કે ટેસ્લા ઈંકના સહ-સંસ્થાપક એલન મસ્કે ડિસેમ્બરની શરૂઆતમાં મિયામીમાં નિકોલ શનહાનની સાથે કથિત સંપર્ક કર્યો હતો. જેના કારણે 51 વર્ષના એલન મસ્ક અને સર્ગેઈ બ્રિનની વચ્ચે લાંબા સમયની મિક્રકાને ખતમ કરી દીધી હતી. 

ગયા વર્ષે શરૂ થયું હતું એફેર 
રિપોર્ટમાં દાવો કરવામાં આવ્યો છે કે સર્ગેઈ બ્રિનની પત્ની શનાહન સાથે એલોન મસ્કનું અફેર ગયા વર્ષે ડિસેમ્બરમાં મિયામીના આર્ટ બેસલમાં શરૂ થયું હતું, પરંતુ બીજી કોઈ ઈવેન્ટ દરમિયાન ઈલોન મસ્કે તેના મિત્ર સર્ગેઈ બ્રિનની માફી માંગી હતી. યુએસ અખબારે દાવો કર્યો હતો કે બ્રિન અને શનહાન હાલમાં એક સોદા માટે વાતચીત કરી રહ્યા છે. જેમાં શનહાને 1 અરબ ડોલરથી વધુની માંગ કરી છે.