ટેસ્લાના પ્રમુખ અને બિલેનિયોર એલન મસ્ક આ દિવસોમાં સતત ચર્ચામાં છે. એલન મસ્ક માઈક્રોસોફ્ટના ફાઉન્ડર બિલ ગેટ્સને પાછળ છોડીને દુનિયાના બીજા નંબરના સૌથી ધનિક વ્યક્તિ બની ગયા છે. 49 વર્ષના એલન મસ્કની નેટવર્થ 7.2 અબજ ડોલર વધી 127.9 અબજ ડૉલર થઈ ગઈ છે. ટેસ્લાના શેરમાં ભારે ઉછાળાના કારણે તેના નેટવર્થમાં વધારો થયો છે. એલન ગત 2 અઠવાડિયાથી 5માં નંબરથી બીજા નંબર પર આવી ગયા છે.
બીજી વાર નીચે સરક્યા બિલ ગેટ્સ
એલન મસ્કે આ વર્ષે પોતાની નેટવર્થમાં લગભગ 110.3 અબજ ડૉલર જોડ્યા
102 અબજ ડોલરની સંપત્તિની સાથે માર્ક ઝુકરબર્ગ 5માં નંબર પર
એલન મસ્કે આ વર્ષે પોતાની નેટવર્થમાં લગભગ 110.3 અબજ ડૉલર જોડ્યા છે. બ્લૂમબર્ગ ઈન્ડેક્સમાં જણાવ્યાનુંસાર જાન્યુઆરીમાં ધનિકોના રેંન્કિગમાં તે 35માં સ્થાન પર હતા. પરંતુ હવે તે બીજા નંબર પર આવી ગયા છે. બ્લૂમબર્ગ બિલિનેયર ઈન્ડેક્સના જણાવ્યાનુંસાર શનિવારે 183 અબજ ડોલરની સંપત્તિની સાથે જેફ બેજોસ પહેલા નંબર પર હતા. 128 અબજ ડૉલરની સાથે બિલ ગેટ્સ બીજા નંબર પર હતા. જ્યાં હવે એલન મસ્ક આવી ગયા છે. 105 અબજ ડોલરની સાથે બર્નાર્ડ અર્નાલ્ડ ચોથા નંબર પર અને 102 અબજ ડોલરની સંપત્તિની સાથે માર્ક ઝુકરબર્ગ 5માં નંબર પર છે.
બીજી વાર નીચે સરક્યા બિલ ગેટ્સ
એવું બીજી વાર થયું છે જ્યારે બિલ ગેટ્સ બીજા નંબર પરથી નીચે આવ્યા હોય. બિલ ગેટ્સ ઘણા વર્ષો સુધી નંબર 1 પર રહ્યા છે. પરંતુ એમેઝોન ફાઉન્ડર જેફ બિજોસના 2017માં નંબર 1 આવ્યા બાદ બિલ ગેટ્સ બીજા સ્થાન પર આવી ગયા છે. બિલ ગેસ્ટની નેટવર્થ વધારે હતી પરંતુ ગત વર્ષોમાં તેમને ઘણા પૈસાનું દાન કર્યુ છે.
મોટા ભાગે એલન મસ્કની સંપત્તિમાં જ વધારો થયો
વેબસાઈટના જણાવ્યાનુંસાર આ વર્ષે અત્યાર સુધી બેજોસની સંપત્તિ 67.7 અબજ ડૉલર, બિલ ગેટ્સની સંપત્તિમાં 14.5 અબજ ડોલર અને એલન મસ્કની સંપત્તિમાં 93.1 અબજ ડોલરનો વધારો થયો છે. આ વર્ષે અત્યાર સુધી મોટા ભાગે એલન મસ્કની સંપત્તિમાં જ વધારો થયો છે. S&P 500 Indexમાં સામિલ થયા બાદ મસ્કની સંપત્તિમાં ઘણો વધારો નોંધાયો છે.