એલન મસ્કે ટ્વિટરમાંથી અનેક કર્મચારીઓને બહાર કર્યાં છે. સૌથી પહેલાં તેણે સીઇઓ પરાગ અગ્રવાલ સહિત મોટા માંથાવાળા અધિકારીઓને પદથી હટાવ્યાં અને પછી બોર્ડમાં સમાવિષ્ટ તમામ ડાયરેક્ટર્સને પણ બહાર કર્યા. આટલું જ નહીં, મસ્કે પોતાના અડધાંથી વધારે વર્કફોર્સનો સફાયો કરી દીધો.
ટ્વિટરનાં માલિક એલન મસ્કે આપ્યાં આદેશ
કર્મચારીઓને 40 કલાક રહેવું પડશે ઓફિસમાં
ટ્વિટર ડીલ ટેસ્લા પર પડી ભારે
ટ્વિટરનાં નવા બોસ એલન મસ્કે પોતાની કંપનીમાં છંટણીનું કામ પૂરજોશમાં કર્યું ત્યારબાદ જે બચેલા કર્મચારીઓ છે તેમણે ઓફિસથી કામ કરવા માટેનાં ફરમાન આપ્યાં છે. તેમણે ટ્વિટર કર્મીઓને મોકલેલ પોતાનાં પહેલા મેઇલમાં ઘરથી કામ કરવાની સુવિધા એટલે કે વર્ક ફ્રોમ હોમની સુવિધા હટાવી અને ઓફિસમાં કામ કરવાના આદેશ આપ્યાં છે.
મસ્કે આપ્યાં નવા ઝાટકા
દુનિયાનાં સૌથી અમીર વ્યક્તિ એલન મસ્કે ટ્વિટરની લગામ પોતાના હાથમાં લેવાની સાથે જ લોકોની છંટણી કરવાનું શરૂ કર્યું જેના લીધે અનેક નવા બદલાવો આવ્યાં છે. સીઇઓથી લઇને અડધાંથી વધુ કર્મચારીઓને બહાર કર્યાં બાદ મસ્કે વર્ક ફ્રોમ હોમની સુવિધાનો લાભ લઇ રહેલા કર્મચારીઓને ઓફિસમાં કામ કરવા સૂચન આપી દેવાયું છે.
અઠવાડિયામાં 40 કલાક ઓફિસમાં રહેવું જરૂરી
રિપોર્ટ અનુસાર, એલન મસ્કે ટ્વિટર કર્મચારીઓને મોકલેલા મેઇલમાં સાફ લખ્યું છે કે હવે ટ્વિટર વર્ક ફ્રોમ હોમનો વિકલ્પ આપશે નહીં. તમામ કર્મચારીઓએ એક અઠવાડિયામાં 40 કલાક ઓફિસમાં ફાળવવાનાં રહેશે. જો કે તેમણે કેટલાક કર્મચારીઓને આ મુદે રાહત પણ આપી છે. આવા કર્મચારીઓમાં એવા લોકો સમાવિષ્ટ છે કે જે ઓફિસમાં આવવા માટે અસમર્થ છે.
ટ્વિટર ડીલ ટેસ્લા પર પડી ભારે
એલન મસ્કની ટ્વિટર ડીલ તેમના માટે ફાયદાકારક ન રહી. તેમણે જ્યારે ટ્વિટરને ખરીદવાનો પ્રસ્તાવ મુક્યો હતો ત્યારે જ તેમના ઇલેક્ટ્રિક કાર કંપની ટેસ્લાનાં શેરમાં ઘટાડો જોવા મળ્યો હતો. એપ્રિલ 2022માં ટેસ્લા ઇંકનાં શેર 381 ડોલર પર ટ્રેડ કરી રહી હતી પરંતુ વર્તમાનમાં તેનામાં 7.17% જેટલો ઘટાડો નોંધાયો છે, જેના લીધે શેરોની કિંમત 177.59 ડોલર થઇ છે.
મસ્કની નેટવર્થમાં થયો ઘટાડો
ટેસ્લાનાં શેરોમાં થયેલ લગાતાર ઘટાડાનાં પરિણામે દુનિયાનાં સૌથી અમીર વ્યક્તિ એલન મસ્કની નેટવર્થમાં ધરખમ ઘટાડો થયો છે. આ વર્ષે એપ્રિલમાં ટ્વિટરથી ડીલ કર્યા બાદ સાત મહિનામાં મસ્કે પોતાની 70 અરબ ડોલરની મિલકત ગુમાવી ચૂક્યાં છે.