ભારતીય ટેલિકોમ ઈન્ડસ્ટ્રી પર હાલ દેશમાં સૌથી અમીર વ્યક્તિ મુકેશ અંબાણીની કંપની રિલાયન્સ જીઓનો દબદબો છે. જેને વિશ્વનાં સૌથી અમીર વ્યક્તિ એલોન મસ્ક તરફથી જબરદસ્ત ટક્કર મળી શકે છે.
એલોન મસ્ક આપી શકે છે જીઓને ઈન્ટરનેટ ક્ષેત્રે ટક્કર
છેવાડાનાં વિસ્તાર સુધી ઈન્ટરનેટ પહોંચાડશે એલોન મસ્ક
ભારત ઈન્ટરનેટ યૂઝર્સનું મોટુ માર્કેટ
ભારત અને દેશમાં સર્વિસ શરુ કરી શકે છે
એલોન મસ્કની કંપની સ્પેસ એક્સપ્લોરેશન ટેક્નોલોજીસ કોર્પોરેશન સ્ટારલિંક પ્રોજેક્ટની ભારતમાં આવવાની આશાઓ સેવવામાં આવી રહી છે. ત્યારબાદ ભારતીય ટેલિકોમ ઈન્ડસ્ટ્રીમાં મોટા ફેરફાર જોવા મળશે. સ્પેસએક્સ કંપની ભારતમાં શરુઆતી સમયમાં 100 એમબીપીએસ સેટેલાઈટ બેસ્ડ ઈન્ટરનેટ સર્વિસની સાથે ઉતરવાનો પ્રયાસ કરશે. કંપની 1 ટ્રિલિયન ડોલર માર્કેટની સાથે ભારત અને ચીન જેવા દેશોમાં પોતાની સર્વિસ શરુ કરી શકે છે.
એલોન મસ્કે ભારતમાં સેટેલાઇટ બેઝ્ડ બ્રોડબેન્ડ ટેક્નોલોજી માટે પરવાનગી માંગી
એક વેબસાઇટ મુજબ એલોન મસ્કે ભારત સરકાર પાસે સેટેલાઇટ બેઝ્ડ બ્રોડબેન્ડ ટેક્નોલોજીને ભારતમાં સંચાલન કરવાની પરવાનગી માંગી છે. ટેલિકોમ રેગ્યુલેટરી ઓથોરિટી ઓફ ઈન્ડિયાએ ભારતમાં બ્રોડબેન્ડ કનેક્ટિવિટીને આગળ ધપાવવા માટે ગત વર્ષે ઓગસ્ટમાં એક કંસલ્ટેશન પેપર જાહેર કર્યું હતું. જેનાં જવાબમાં સ્પેસએક્સની સેટેલાઈટ ગવર્નમેન્ટ અફેર્સ પેટ્રીશિયા કૂપરે કહ્યું કે સ્ટારલિંકનાં હાઈ સ્પીડ સેટેલાઇટ નેટવર્કથી ભારતનાં બધા લોકોને બ્રોડબેન્ડ કનેક્ટિવિટી સાથે જોડવાનાં લક્ષ્યમાં મદદ મળશે.
એલોન મસ્ક આપશે ભારતમાં 150 એમબીપીએસની ઈન્ટરનેટ સ્પીડ
ભારત ઈન્ટરનેટ યૂઝરનું મોટુ માર્કેટ છે, જ્યાં 700 મિલિયન ઈન્ટરનેટ સબસ્ક્રાઇબર્સ છે. જેની સંખ્યા વર્ષ 2025માં વધીને 974 મિલિયન થવાની આશા છે. ભારતમાં હાલ ઈન્ટરનેટની સ્પીડ 12 એમબીપીએસ છે. જોકે 5જી આવ્યા બાદ ભારતમાં ઈન્ટરનેટ સ્પીડ વધી શકવાની આશા છે. પણ ગામડા અને છેવાડાનાં વિસ્તારોમાં ફાસ્ટ ઈન્ટરનેટની સર્વિસ પહોંચાડવામાં હજુ સમય લાગશે. પણ આ કામને સ્પેસએક્સનાં સ્ટારલિંક પ્રોજેક્ટ દ્વારા જલ્દી પૂરુ કરી શકાશે.જેમાં 150 એમબીપીએસ સુધીની સ્પીડ આપવામાં આવે છે. સાથે આ સર્વિસ ઓછી કિંમતમાં ઉપલબ્ધ બનશે. ઉલ્લેખનીય છે કે, છેવાડાનાં વિસ્તારોમાં ફાઇબર ઓપ્ટિકલ કેબલ પાંથરવી ખૂબ મોંઘી પડે છે. માટે એલોન મસ્કની સેટેલાઇટ બેઝ્ડ ઈન્ટરનેટન સર્વિસની મદદથી તેને સસ્તુ અને ઓછા સમયમાં પહોંચાડી શકાશે.
શું છે સ્ટારલિંક
સ્ટારલિંક એક પૃથ્વીની નીચલી કક્ષામાં ફરતી સેટેલાઈટ સર્વિસ છે. જે બ્રોડબેન્ડ ઈન્ટરનેટ કનેક્શન ઉપલબ્ધ કરાવે છે. આ સર્વિસથી દેશનાં છેવાડાનાં વિસ્તારોમાં સારી ઈન્ટરનેટ સર્વિસને પહોંચાડી શકાશે. તેનાં માટે કંપનીએ આશરે 1000 સેટેલાઈટને લોન્ચ કરી છે. સાથે સ્પેસએક્સ ઝડપથી સેટેલાઈટની સંખ્યામાં પણ વધારો કરી રહી છે, કંપની વર્ષ 2027 સુધી 12000 ડેસ્ક સાઇઝ સેટેલાઇટ લોન્ચિંગની તૈયારી કરી રહી છે. સાથે જમીન સ્તર પર સ્ટેશનને ઇન્સ્ટોલ કરી રહી છે. સ્પેસએક્સ મુજબ તેની ઇન્ટરનેટની સ્પીડ 50 એમબીપીએસથી 150 એમબીપીએસની વચ્ચે રહેશે.