મુલાકાત / 24 વર્ષના પ્રણય પટોલેને મળ્યા ટ્વિટર ફ્રેન્ડ એલન મસ્ક, ભારતીય યુવાને કહ્યું- આટલો સીધો માણસ ક્યારેય નથી જોયો

• એલન મસ્કે મુલાકાત કરી ભારતીય પ્રણય પટોલે સાથે 
• પ્રણય પટોલેએ ટ્વિટર પર શેર કરી તસવીર 
• પ્રણય પટોલેએ બિઝનેસ એનાલિસ્ટમાં માસ્ટર ઓફ સાઇન્સ કર્યું છે

એલન મસ્કે મુલાકાત કરી ભારતીય પ્રણય પઠોલે સાથે 

એલન મસ્કને કોણ નથી ઓળખતું? તેઓ દુનિયાના સૌથી અમીર વ્યક્તિ છે. ટ્વિટર પર તેઓ ખૂબ જ એક્ટિવ રહે છે. તેમના ફોલોવર્સની સંખ્યા પણ ખૂબ જ વધારે છે. તેઓ ઘણીવાર પોતાના ફોલોવર્સ સાથે વાતચીત પણ કરે છે. ટેસ્લાના માલિક પોતાનો મત ગભરાયા વિના રાખવા માટે જાણીતા છે. તેમણે મળવું તો લોકોનું સપનું હોય છે. હવે તમે વિચારી રહ્યા હશો કે આટલી મોટી વ્યક્તિ સાથે તસવીરમાં આ કોણ છે? આ વ્યક્તિનું નામ છે પ્રણય પટોલે. પ્રણય મસ્ક સાથે ટ્વિટર પર લાંબા સમયથી જોડાયેલ છે. આ કનેક્શન 2018નું છે. પ્રણયે ત્યારે ટેસ્લાના ઓટોમેટિક વિન્ડસ્ક્રીન વાઈપર અને વરસાદ દરમિયાન તેની સાથે પેદા થતી સમસ્યા વિશે ટ્વિટ કર્યું હતું. તેના જવાબમાં મસ્કે કહ્યું હતું કે તેને પછીના લૉન્ચમા ઠીક કરી આપવામાં આવશે. મસ્કનાં આ ટ્વિટ કર્યા બાદ તેઓ એકબીજા સાથે જોડાઈ ગયા હતા. મસ્ક ઘણીવાર તેમના ટ્વિટ્સ પર કોમેન્ટ કરતાં હોય છે. બંને ડાયરેક્ટ મેસેજનાં માધ્યમથી પણ વાતો કરે છે. 

It was so great meeting you @elonmusk at the Gigafactory Texas. Never seen such a humble and down-to-earth person. You're an inspiration to the millions 💕 pic.twitter.com/TDthgWlOEV

— Pranay Pathole (@PPathole) August 22, 2022

પ્રણય પટોલેએ ટ્વિટર પર શેર કરી તસવીર 

પ્રણય પટોલેએ બિઝનેસ એનાલિસ્ટમાં માસ્ટર ઓફ સાઇન્સ કર્યું છે. તેઓ ટાટા કન્સલ્ટન્સી સર્વિસીઝમાં પણ કામ કરી ચૂક્યા છે. તેઓ પૂનામા રહે છે. જેવી તેમણે મસ્ક સાથે પોતાની તસવીર શેર કરી, તેમની ચર્ચા થવા લાગી. તેનું સૌથી મોટુ કારણ એ પણ હતું કે આઇટી પ્રોફેશનલ એલન મસ્ક સાથે પૂરા કોન્ફિડન્સ સાથે તે ઊભો હતો. 

It was so great meeting you @elonmusk at the Gigafactory Texas. Never seen such a humble and down-to-earth person. You're an inspiration to the millions 💕 pic.twitter.com/TDthgWlOEV

— Pranay Pathole (@PPathole) August 22, 2022

ગીગાફેક્ટરી ટેક્સાસમાં થઈ હતી બંનેની મુલાકાત 

પોતાના આ ટ્વિટમાં પ્રણયે એલાન મસ્કને ટેગ કરતાં લખ્યું છે કે ગીગાફેક્ટરી ટેક્સાસમાં તમારા સાથે મિટિંગ શાનદાર રહી. ધરતી પર તેમના જેવા બીજા ઉદાર વ્યક્તિ નથી જોયા. તમે કરોડો લોકોની પ્રેરણા છો. પ્રણયે મેસેજમાં સાથે ઘણા હાર્ટ ઇમોજી પણ રાખ્યા છે. જોકે, ટેક્સાસની ગીગાફેક્ટરીમાં બંનેની મુલાકાતનું કારણ સામે આવ્યું નથી.