દુનિયાના સૌથી અમીર બિઝનેસમેન એલન મસ્કે અમેરીકિ શૅર માર્કેટને મોટો ઝટકો આપ્યો છે. તેની કંપની tesla Incના શૅર તૂટવાથી એલન મસ્કને તગડુ નુકસાન થયું છે.
એલન મસ્કને 2 દિવસમાં થયું ખૂબ નુકસાન
મુકેશ અંબાણીની સંપત્તિ કરતાં અડધુ નુકસાન
નુકસાન છતાં તે દુનિયાના સૌથી અમીર વ્યક્તિ
કેટલું થયું નુકસાન
એલન મસ્કને માત્ર 2 દિવસમાં 50 અરબ ડૉલર એટલે કે 3.71 લાખ કરોડ રૂપિયા નુકસાન થઇ ગયુ છે. જે ભારતના સૌથી અમીર મુકેશ અંબાણીની દોલતના 52 ટકાથી વધારે છે.
આ નુકસાન બાદ એલન મસ્કની કુલ સંપત્તિ 288 અરબ ડૉલર થઇ ગઇ છે. જ્યારે મુકેશ અંબાણીની સંપત્તિ 96.3 અરબ ડૉલરની આસપાસ છે. આ નુકસાન એલન મસ્કને માત્ર એક ટ્વિટના કારણે થયું છે. જો કે તે દુનિયાના બીજા નંબરના અમીર શખ્સ જેફ બેજોસથી આગળ છે.
કેમ થયું નુકસાન?
એલન મસ્કે ટ્વિટર પર પોતાના ફોલોવર્સને એક સવાલ કર્યો હતો કે શું તેણે અમેરિકી ટેક્સ નિયમોનું સન્માન કરતા ટેક્સ આપવા માટે પોતાની 10 ટકા હિસ્સેદારી વેચી નાંખવી જોઇએ? તેના 57% ફોલોવર્સે હા પાડી હતી. અમેરિકામાં સવાલ એ ઊભો થયો હતો કે ઘણી કંપનીઓના સીઈઓ કંપની પાસેથી કોઈ પગાર કે બોનસ લેતા નથી અને આ રીતે તેઓ ઈન્કમટેક્સ ભરવામાંથી બચી જાય છે. પરંતુ તેઓએ તેમના શેરના મૂલ્યમાં થયેલા વધારાના આધારે ટેક્સ ચૂકવવો જોઈએ.
ટૂટી ગયા શૅર
ટ્વિટર પર આ વીકેન્ડમાં મસ્કના પોલમાં 35 લાખ લોકોએ ભાગ લીધો અને તેમાં 57.9 % લોકોએ યસ સિલેક્ટ કર્યું હતું. જે બાદ સોમવારે ટેસ્લાના શેર તૂટવા લાગ્યા હતા. છેલ્લા 2 દિવસમાં ટેસ્લાના શેર્સમાં 16% ઘટાડો થયો હતો અને મસ્કને ઘણું નુકસાન થયું હતું. એલન મસ્કની ટેસ્લામાં 23% ભાગીદારી છે.