રહસ્ય / માત્ર 2 દિવસ કોલેજમાં ગયા એલન મસ્ક, હાલ અનેક દેશોની GDPથી વધુ સંપત્તિ, નંબરોથી જાણો ટ્વિટરના નવા માલિકની જિંદગીનું રહસ્ય

• અબજપતિ બિઝનેસમેન એલન મસ્કે હાલમાં ટ્વિટર ખરીદ્યુ
• એલન મસ્કના ખાનગી જીવન સાથે જોડાયેલા રહસ્યો
• મસ્ક અંતરિક્ષ અને મંગળ ગ્રહમાં ખૂબ રસ રાખે છે

એલન મસ્કના અંગત જીવન સાથે જોડાયેલા રહસ્યો

એલન મસ્ક અંગે અમુક બાબતો બધા જાણે છે, જેમકે મસ્ક અંતરિક્ષ અને મંગળ ગ્રહમાં ખૂબ રસ રાખે છે. તે સતત પોતાના ઘરને વેચી રહ્યાં છે અને એલિયન્સમાં તેમનો વિશ્વાસ ખૂબ મજબૂત છે. પરંતુ એક રિપોર્ટમાં એલન મસ્કના ખાનગી જીવન અને તેના અત્યાર સુધીના સફરને લઇને ઘણા રહસ્ય ખોલવામાં આવ્યાં છે. મીડિયાના એક રિપોર્ટમાં નંબરો દ્વારા એલન મસ્કના જીવનની કહાની અને તેના અંગત જીવન સાથે જોડાયેલી બાબતો અંગે જણાવવામાં આવ્યું છે. 

0- એલન મસ્કની પાસે 0 ઘર છે.
1- કેનેડામાં અભ્યાસ દરમ્યાન તે તેના ખાવા પર 1 ડૉલર ખર્ચ કરતા હતા.
2- મસ્કે કોલેજ ડ્રોપ કરવુ અને પોતાનો ઑનલાઈન ડૉયરેક્ટ્રી બિઝનેસ Zip2 સ્ટાર્ટ અપ શરૂ કર્યા પહેલા સ્ટેનફોર્ડ યુનિવર્સિટીમાં ફક્ત 2 દિવસ પસાર કર્યા હતા.
3- મસ્કના અત્યાર સુધી ત્રણ વખત છૂટાછેડા થયા છે.
7- તે 7 બાળકોના પિતા છે.
12- મસ્કના સૌથી નાના બાળકનો જન્મ 2020માં થયો હતો. શરૂઆતમાં તેનુ નામ સીઆઈએ કે એ-12 લૉકહીડ રિકોન્સેન્સ પ્લેનના નામે X Æ A-12 રાખવામાં આવ્યું હતુ. જો કે, બાદમાં કાયદાકીય કારણોથી તેને બદલીને X AE A-XII કરી દેવામાં આવ્યું. 
17- મસ્કે 17 વર્ષની ઉંમરમાં સાઉથ આફ્રિકા છોડી દીધુ હતુ. જ્યાં તેનો જન્મ થયો હતો. મસ્કના પિતા ઈજનેર અને માતા મૉડલ હતી. તેમનો એક ભાઈ અને એક બહેન હતી. શાળામાં હેરેસમેન્ટનો શિકાર થયા બાદ મસ્કને હોસ્પિટલમાં દાખલ કરવો પડ્યો હતો.
31- મસ્ક PayPal નામની એક ફાયનાન્શિયલ સર્વિસ ફર્મ સાથે જોડાયેલા હતા. 2002માં તેને eBayને વેચી દેવામાં આવી ત્યારે તેમની ઉંમર 31 વર્ષ હતી. મસ્કને આ ડીલમાં 13 અબજ રૂપિયાથી વધુનો ફાયદો થયો હતો. 
69- ટ્વિટર પર 69 મિલિયન ફોલોઅર્સ પૂરા થયા બાદ તેમણે ટ્વિટ કર્યુ હતુ- 'Nice'.
90- દર અઠવાડિયે તે 90 કલાક કામ કરે છે.
420- મસ્ક 420 નંબરનો ઉપયોગ અવાર-નવાર પોતાની નાણાંકીય ડીલિંગમાં કરી ચૂક્યા છે.