Video / Elon Musk પણ નાટુ-નાટુના ફેન: ટેસ્લા ગાડીઓએ ગીત પર કર્યો જબરો ડાન્સ, વીડિયો જોઈ દિલ ખુશ થઈ જશે

• 'નાટુ નાટુ' ગીત પર કારની લાઇટિંગનો અનોખો વિડીયો 
• નાટુ નાટુના બીટ પર ટેસ્લા કારનો લાઇટિંગ શો 
• વીડિયોમાં લાગે છે કે કાર આ ગીત પર ડાન્સ કરી રહી છે 

લોકપ્રિય નિર્દેશક એસએસ રાજામૌલીની ફિલ્મ 'RRR' ના ગીત 'નાટુ નાટુ'ને શ્રેષ્ઠ મૂળ ગીત શ્રેણીનો ઓસ્કાર એવોર્ડ મળ્યો છે. ફિલ્મ 'RRR'ની રિલીઝને ટૂંક સમયમાં એક વર્ષ થવા જઈ રહ્યું છે પરંતુ તે સતત સમાચારોમાં રહે છે. આ સાથે જ ફિલ્મનું ગીત 'નાટુ નાટુ' ભારતમાં જ નહીં વિદેશમાં પણ લોકોને પસંદ અને ડાન્સ કરવામાં આવી રહ્યું છે. હવે એક એવો વીડિયો સામે આવ્યો છે જેને જોઈને લોકો આશ્ચર્યચકિત થઈ ગયા છે. વાસ્તવમાં ફિલ્મ 'RRR'ના ગીત 'નાટુ નાટુ' પર વાહનો ડાન્સ કરતા જોવા મળે છે. 

'નાટુ નાટુ' ગીત પર કારની લાઇટિંગનો અનોખો વિડીયો 
RRR મૂવીના ટ્વિટર હેન્ડલ પર એક વીડિયો શેર કરવામાં આવ્યો છે. આ વીડિયોમાં તમે જોઈ શકો છો કે ન્યુ જર્સીમાં ટેસ્લા કારની લાઇટનો ઉપયોગ કરીને ફિલ્મ 'RRR'ના ગીત 'નાટુ નાટુ' પર પરફોર્મ કર્યું છે. વીડિયોમાં લાગે છે કે કાર આ ગીત પર ડાન્સ કરી રહી છે. આ વિડિયો સાથેના કેપ્શનમાં લખ્યું છે કે, 'ન્યૂ જર્સીમાં ઓસ્કાર વિજેતા ગીત નાટુ નાટુના બીટ પર ટેસ્લા કાર લાઇટ કરે છે.' આ વીડિયોને ઘણો પસંદ કરવામાં આવી રહ્યો છે અને લોકો તેના પર કમેન્ટ પણ કરી રહ્યા છે. 

.@Teslalightshows light sync with the beats of #Oscar Winning Song #NaatuNaatu in New Jersey 🤩😍

Thanks for all the love. #RRRMovie @Tesla @elonmusk pic.twitter.com/wCJIY4sTyr

— RRR Movie (@RRRMovie) March 20, 2023

 'નાટુ નાટુ' એ ઈતિહાસ રચ્યો 
જણાવી દઈએ કે એસએસ રાજામૌલી દ્વારા નિર્દેશિત પીરિયડ એક્શન ડ્રામા ફિલ્મમાં 'નાટુ નાટુ' રામ ચરણ અને જુનિયર એનટીઆર ઉપર શૂટ કરવામાં આવી હતી. આ ગીતે દેશ-વિદેશમાં ફેલાયેલા ચાહકોના દિલ જીતી લીધા હતા. બેસ્ટ ઓરિજિનલ સોંગ માટે ઓસ્કાર જીત્યા બાદ 'નાટુ નાટુ' એ ઈતિહાસ રચ્યો હતો.

We PAID our love to @elonmusk ❤️❤️ https://t.co/pSRc3KT9f0

— RRR Movie (@RRRMovie) March 20, 2023

RRRની રિલીઝને એક વર્ષ થવા જઈ રહ્યું છે
એસએસ રાજામૌલી દ્વારા નિર્દેશિત ફિલ્મ 'RRR' વર્ષ 2022માં 24 માર્ચે સિનેમાઘરોમાં રિલીઝ થઈ હતી. આ ફિલ્મે બોક્સ ઓફિસ પર જબરદસ્ત કમાણી કરીને 1000 કરોડ રૂપિયાનો આંકડો પાર કર્યો હતો.