એલન મસ્ક હવે ટ્વીટરનાં સૌથી મોટા શેરધારક બની ચુક્યા છે. તેમણે હાલમાં જ ટ્વીટર પર એડિટ બટનને લઈને પોલ પણ કરી હતી. જુઓ તેમનું આ ટ્વીટ.
ટ્વીટરનાં સૌથી મોટા શેરધારક બન્યા એલન મસ્ક
ટ્વીટર પર એડિટ બટનને લઈને કરી પોલ
એલન મસ્કે ટ્વીટર પર ઉઠાવ્યા હતા સવાલ
દુનિયાના સૌથી અમીર વ્યક્તિ અને ટેસ્લાનાં બોસ એટલે કે એલન મસ્ક આ સમયે ટ્વીટરનાં સૌથી વધારે શેર રાખવાવાળા માણસ બની ગયા છે. એલન મસ્કે સોશિયલ મીડિયા કંપની ટ્વીટરની 9.2 ટકા હિસ્સેદારી ખરીદી લીધી છે. સોમવારે જાહેર કરવામાં આવેલ એક સૂચના અનુસાર, એલન મસ્કે ટ્વીટરનાં લગભગ 7.35 કરોડ શેર ખરીદ્યા છે.
ટેસ્લા ઈંકનાં બોસ એલન મસ્કે સોમવારે ટ્વીટર ઈંકમાં લગભગ 3 બિલિયન ડોલરની 9.2 ટકા હિસ્સેદારીનો ખુલાસો કર્યો છે, જેથી તેઓ માઈક્રો-બ્લોગિંગ સાઈટનાં સૌથી મોટા શેરધારક બની ગયા છે અને કંપનીનાં શેરનાં 27%થી વધારેની વૃદ્ધિ થઇ છે.
મસ્કની ટ્વીટરમાં આ હિસ્સેદારીને નિષ્ક્રિય રોકાણ માનવામાં આવી રહી છે, જેનો અર્થ છે કે તેઓ લાંબા ગાળા માટે રોકાણકાર બની રહેવા માંગે છે. પરંતુ મસ્કનાં ટ્વીટર સાથે જોડાયા બાદ હવે તેમના મનનું ધાર્યું થશે એ તો નક્કી જ છે. શેર ખરીદવાની વાત સામે આવવાની સાથે જ મસ્કે લોકોને ટ્વીટ કરીને પૂછ્યું કે શું તેમને 'એડિટ બટન' જોઈએ છે.
તેમણે ટ્વીટર પર એક પોલ શેર કરી છે જેમાં તેમણે યૂઝર્સને સવાલ કર્યો છે કે શું તેઓ એક એડિટ બટન ઈચ્છે છે. આ પહેલા 1 એપ્રિલનાં રોજ, ટ્વીટરે પોતાના ઓફિશિયલ અકાઉન્ટ પર એક પોસ્ટ ટ્વીટ કરી હતી, જેમાં કહેવામાં આવ્યું હતું કે તેઓ એક એડિટ બટન પર કામ કરી રહ્યા છે.
ટ્વીટરનાં CEOએ લોકોને આપી ચેતવણી
આ દરમિયાન, એલન મસ્કનાં એડિટ બટનને લઈને કરવામાં આવેલ સર્વે પર ટ્વીટરના CEO પરાગ અગ્રવાલે લોકોને ચેતવ્યા છે. તેમણે કહ્યું છે કે આ પોલના પરિણામ મહત્વપૂર્ણ હશે. ધ્યાનથી વોટ કરો.
The consequences of this poll will be important. Please vote carefully. https://t.co/UDJIvznALB
એલન મસ્કે ઉઠાવ્યા હતા ટ્વીટર પર સવાલ
એલન મસ્કે ગયા મહીને સ્વતંત્ર રૂપથી પોતાની વાત રાખવાને લઈને ટ્વીટ કરતા ટ્વીટર પર સ્વતંત્ર સંવાદ કરવાની ક્ષમતા પર સવાલ ઉઠાવ્યા હતા. તેમણે કહ્યું હતું કે સ્વતંત્ર રૂપથી પોતાની વાત રાખવી એક કાર્યશીલ લોકતંત્ર માટે જરૂરી છે. તશું તમે માણો છો એ ટ્વીટર આ સિદ્ધાંતનું કડકાઈથી પાલન કરે છે? એક અન્ય ટ્વીટમાં મસ્કે કહ્યું હતું કે તેઓ એક નવું સોશિયલ મીડિયા મંચ બનાવવાનો ગંભીરતાથી વિચાર કરી રહ્યા છે.
Free speech is essential to a functioning democracy.
Do you believe Twitter rigorously adheres to this principle?