અમેરિકન અબજોપતિ અને ટેસ્લા કંપનીના માલિક એલન મસ્ક (Elon Musk) એ Twitter ને 44 બિલિયન ડોલરમાં ખરીદી લીધા બાદ તેઓ ટ્વિટ કરીને જણાવ્યું કે, 'તેઓ ટ્વિટરને વધારે નવા ફીચર્સ સાથે બનાવવા ઇચ્છે છે.'
ટ્વિટરને તેઓ નવા ફીચર્સ સાથે વધારે સારું બનાવવા ઇચ્છે છે
તેઓએ ટ્વિટ કરીને જણાવ્યું કે, 'કોઈ પણ લોકશાહીને કામ કરવા માટે ભાષણની સ્વતંત્રતા ખૂબ જ મહત્વપૂર્ણ છે. Twitter એક ડિજિટલ ટાઉન સ્ક્વેર છે કે જ્યાં માનવતાના ભવિષ્ય પર ચર્ચા થાય છે. ટ્વિટરને તેઓ નવા ફીચર્સ સાથે વધારે સારું બનાવવા ઇચ્છે છે. તેઓ તેના અલ્ગોરિધમને ઓપન સોર્સ રાખીને વિશ્વાસને વધારવા ઇચ્છે છે. તેઓ સ્પૈમ બોટ્સને દૂર કરી તમામ અધિકૃત માનવને આ પ્લેટફોર્મ પર રાખવા માંગે છે.'
જો કે, તમને એલન મસ્કના ટ્વિટ પરથી ખ્યાલ આવી જ ગયો હશે કે તેઓ કેવા પ્રકારનું ટ્વિટર બનાવવા માંગે છે. ડિજિટલ ટાઉન સ્ક્વેર કે જેનો ઉપયોગ મસ્કે તેના ટ્વીટમાં કર્યો હતો તેનો અર્થ આવા પ્લેટફોર્મ પરથી લોકો એકબીજા સાથે ગુણવત્તાયુક્ત સમય પસાર કરી શકે.
યુઝર્સ 280થી વધુ અક્ષરો પોસ્ટ કરી શકશે તેવાં ફીચર્સ પર વિચારણા
આ સિવાય ટ્વિટર પોતાના ડાયરેક્ટ મેસેજને પાવરફુલ બનાવવા પર પણ કામ કરી શકે છે. તેને શોધી શકાય તેવી અને એન્ક્રિપ્ટેડ મેસેજિંગ સિસ્ટમ તરીકે ડિઝાઇન કરી શકાય. કંપની પોતાના સૌથી વધુ ડિમાન્ડવાળા લાંબા ટ્વિટના ફીચરને પણ બહાર પાડી શકે છે. આ સાથે, યુઝર્સ 280થી વધુ અક્ષરો પોસ્ટ કરી શકશે. ઘણાં લોકો એવું માને છે કે, ટ્વિટરે Communities ફીચર પર પણ કામ કરવાની જરૂર છે. આ સાથે, તેઓ ટાઈમલાઈન પર પોતાની મનપસંદ વસ્તુઓ જ જોઈ શકશે. તેમાં, અન્ય લોકો સાથે વાતચીત કરવાની વધુ રીતો આપી શકાય છે.
ટ્વિટર પર અનેક લોકો એક સાથે 200 મિલિયન વપરાશકર્તાઓ સાથે વાતચીત કરવા નથી માંગતા. આમાં લોકોને ફોકસ કરવાનો વિકલ્પ પણ આપી શકાય છે. એટલે કે ફેસબુકની જેમ તેની પર પણ પ્રાઈવેટ એકાઉન્ટ રાખવાનો વિકલ્પ આવી શકે છે. આ સાથે, તમારે કોઈ અજાણ્યા વ્યક્તિ સાથે ટ્વિટને લઇને વાતચીત કરવાની કંઇ જરૂર નથી.
Twitter confirms sale of company to Elon Musk for $44 billion, reports AFP news agency
એક મીડિયા રિપોર્ટ મુજબ ટ્વિટરના બોર્ડે મસ્કની આ રજૂઆતને મંજૂરી આપી દીધી છે. સૂત્રો તરફથી મળેલી માહિતી મુજબ ટ્વિટર કોઈ પણ સમયે 44 બિલિયન ડૉલર એટલેકે ભારતીય રૂપિયામાં લગભગ સવા ત્રણ લાખ કરોડથી વધારે રૂપિયાના આ કરારને લીલીઝંડી બતાવી છે. અગાઉ એવુ પણ લાગતું હતું કે આ શક્ય છે કે કરાર અંતિમ મિનિટમાં તુટી જાય. ઉલ્લેખનીય છે કે એલન મસ્ક પહેલા પણ કહી ચૂક્યા છે કે તેમણે ટ્વિટરને ખરીદવા માટે 46.5 અબજ ડૉલર ફન્ડિંગની વ્યવસ્થા કરી લીધી છે. પણ આખરે આ ડીલ પાર પાડવામાં આવી છે.
મસ્ક પહેલા જ ખરીદી ચૂક્યા છે 9.2 ટકાની ભાગીદારી
એલન મસ્ક પહેલા જ ટ્વિટરમાં 9.2 ટકાની ભાગીદારી ખરીદી ચૂક્યા હતા. ટ્વિટરના સૌથી વધુ 10.3 ટકા શેર એસેટ મેનેજમેન્ટ કંપની વેનગાર્ડ ગ્રુપની પાસે છે. સાઉદી અરબના પ્રિન્સ અલ-વલીદ બિન તલાલની પાસે અંદાજે 5.2 ટકા શેર છે. તેમણે પહેલા એલન મસ્કની રજૂઆત ફગાવી દીધી હતી.