ટેસ્લાનાં સીઈઓ એલન મસ્ક પાસે આજે પણ પોતાનું ઘર નથી. જાણો તેમના જીવનની આવી જ રસપ્રદ બાબતો
એલન મસ્ક પાસે નથી પોતાનું ઘર
મિત્રોનાં ઘરે એક્સ્ટ્રા રૂમમાં સુવે છે એલન મસ્ક
269.5 અરબ ડોલર છે મસ્કની સંપત્તિ
અરબપતિ બીઝનેસમેન અને ટેસ્લાનાં સીઈઓ એલન મસ્કની લગભગ 44 અરબ ડોલરની બોલીને ટ્વીટરે મંજૂરી આપી દીધી છે, જ્યાર બાદ તેઓ સોશિયલ મીડિયા મંચનાં માલિક બનવા નજીક પહોંચી ગયા છે. આ ડીલ આ વર્ષે પૂરી થવાની આશા છે, પરંતુ આ માટે હજુ શેરધારકો અને અમેરિકી નિયામકોની પરવાનગી લેવી પડશે. તમને જાણીને નવાઈ લાગશે કે દુનિયાનાં સૌથી અમીર વ્યક્તિ હોવા છતાં પણ એલન મસ્ક પાસે પોતાનું એકપણ ઘર નથી અને મિત્રોનાં ઘરમાં જ તેમનું ગુજરાન ચાલી રહ્યું છે.
મિત્રોનાં ઘરે ખાલી બેડરુમમાં સુવે છે મસ્ક
દુનિયાનો સૌથી અમીર વ્યક્તિ એલન મસ્કે એક ઇન્ટરવ્યૂમાં જણાવ્યું હતું કે તેમની પાસે પોતાનું કોઈ ઘર નથી. તેમણે જણાવ્યું હતું કે તેઓ મિત્રોનાં ઘરમાં ખાલી બેડરુમમાં સુવે છે. મસ્કે હાલમાં જ કહ્યું હતું કે મારી પાસે હજુ પણ ઘર નથી. હું ખરેખર મિત્રોનાં ઘરમાં જ રહું છું.
મસ્ક પાસે નથી કોઈ યાટ
એલન મસ્કે કહ્યું હતું કે જો હું એરિયાની યાત્રા પર જાઉં છું, જ્યાં ટેસ્લાનાં એન્જીનીયરો રહે છે, તો હું મિત્રોનાં એક્સ્ટ્રા બેડરુમમાં જ રહું છું. મસ્ક દુનિયાભરમાં ધનની અસમાનતા અને અરબપતિઓ દ્વારા ખર્ચ કરવામાં આવેલ રકમ વિષે જવાબ આપતા કહે છે કે મારી પાસે યોચ નથી અને હું રજાઓ લેતો નથી.
એલન મસ્ક પાસે માત્ર એક પ્લેન છે
મસ્કે કહ્યું હતું કે એવું નથી કે મારા વ્યક્તિગત ખર્ચાઓ વધારે છે. મારી પાસે અપવાદનાં રૂપમાં માત્ર એક પ્લેન છે. તેનું કારણ એ છે કે જો હું પ્લેન યૂઝ નહીં કરું, તો મારી પાસે કામ કરવા માટે ઓછો સમય બચશે. તેમણે કહ્યું હતું કે જો કોઈને એમ લાગે છે કે હું દર વર્ષે અરબો ડોલર ખર્ચ કરું છું, તો એવું નથી.
એલન મસ્કે ભાડા પર લીધું છે ઘર
ગયા વર્ષે એલન મસ્કે ટ્વીટ કરીને જણાવ્યું હતું કે તેમણે પોતાના માટે એક ઘર ભાડા પર લીધું છે. એ જ ટ્વીટમાં તેમણે બે એરિયામાં એક ઇવેન્ટ હાઉસનાં માલિક હોવાની વાત પણ સ્વીકારી હતી.
269.5 અરબ ડોલર છે મસ્કની સંપત્તિ
એલન મસ્ક દુનિયાના સૌથી અમીર વ્યક્તિ છે અને તેમની કુલ સંપત્તિ 269.5 અરબ ડોલર છે. હાલના સમયમાં તેઓ માઈક્રો બ્લોગિંગ વેબસાઈટ ટ્વીટરને ખરીદવાને લઈને ચર્ચામાં છે. મસ્કને બીઝનેસનો લાંબો અનુભવ છે. તેઓ ટેસ્લાનાં સીઈઓ છે, જેનો આકાર ટ્વીટરની સરખામણીમાં લગભગ 25 ગણો વધારે છે.