અમેરિકામાં વધતી મોંઘવારીમાં લોકોને એક કલાકમાં ઘર આપવામાં આવી રહ્યું છે અને ખાસ વાત એ છે કે દુનિયાના સૌથી અમીર વ્યક્તિ પણ આવા મકાનમાં રહે છે.
અમેરિકામાં એક કલાકમાં બનાવી આપે છે ઘર
દુનિયાના સૌથી અમીક વ્યક્તિ પર રહે છે આવા મકાનમાં
જાણો તેના વિશે ડિટેલ્સ
ઘર બનાવવા માટે કેટલી તૈયારી કરવી પડે છે? ક્યાંક 10 વાર વિચાર્યા પછી તેને બનાવવાનું નક્કી કરીએ છીએ. આ પછી તે ઓછામાં ઓછા 6 મહિના પછી તૈયાર થાય છે. પરંતુ અમેરિકામાં એવું નથી. અહીં માત્ર એક કલાકમાં જ મકાનો તૈયાર કરીને લોકોને આપવામાં આવી રહ્યા છે.
અમેરિકાના મતે આ મકાનોની કિંમત પણ ઘણી ઓછી છે. અહીં માત્ર 43.50 લાખથી 80 લાખ રૂપિયામાં અમેરિકનોનું પોતાનું ઘર બનાવવાનું સપનું સાકાર થઈ રહ્યું છે. સૌથી મહત્વની વાત એ છે કે વિશ્વના સૌથી અમીર વ્યક્તિ એલોન મસ્ક પણ આવા ઘરમાં રહે છે.
એક કલાકના ઘર પાછળનું ગણિત
અમેરિકામાં મોંઘવારી આસમાને છે. આજથી બે વર્ષ પહેલાના મકાનોની કિંમતમાં 30 ટકાનો વધારો થયો છે. વર્ષ 2020માં જે ઘરની કિંમત 3,29,000 ડોલર એટલે કે 2.62 કરોડ રૂપિયા હતી તે વધીને 4,28,700 ડોલર થઈ ગઈ છે. જો ભારતીય રૂપિયામાં જોવામાં આવે તો આ રકમ 3.42 કરોડ રૂપિયા છે.
બનાવવામાં આવી રહ્યા છે બોક્સેબલ ઘર
આવી સ્થિતિમાં અહીંના મધ્યમ વર્ગને સૌથી વધુ મુશ્કેલીનો સામનો કરવો પડી રહ્યો છે. તેમનું ઘર ખરીદવાનું સ્વપ્ન સાકાર કરવું મુશ્કેલ બની ગયું છે. એવામાં તેમની આશા ફક્ત બોક્સેબલ હોમ (Boxable Home) જેવા સ્ટાર્ટઅપ્સ પર ટકી છે. આ એક એવી કંપની છે જે અહીં લોકોને માત્ર 54,500 થી 99,500 ડોલરમાં ઘર બનાવીને આપી રહી છે.
ભારતીય ચલણમાં, આ કિંમત 43.50 લાખ રૂપિયાથી 80 લાખ રૂપિયા સુધીનો અંદાજ લગાવી શકાય છે. ટેસ્લાના સ્થાપક મસ્ક 251 બિલિયન ડોલરની નેટવર્થ સાથે વિશ્વના સૌથી ધનિક વ્યક્તિ છે અને તેઓ પણ આ કંપની દ્વારા બનાવવામાં આવેલા ઘરમાં રહે છે.
કંપનીનું લક્ષ્ય એક મિનિટમાં એક ઘર બનાવવાનું
બોક્સેબલનું સપનું પાઓલો તિર્માની(Paolo Tiramani)એ જોયું હતું અને તેણે વર્ષ 2017 માં આ કંપની શરૂ કરીને તેને પૂર્ણ પણ કર્યું. અત્યારે તેઓ આ કંપનીના CEO છે. આ કંપની શરૂ કરતી વખતે તેણે એક મિનિટમાં ઘર બનાવવાનું લક્ષ્ય રાખ્યું હતું. જોકે એક મિનિટ નહીં, પરંતુ એક કલાકમાં ઘર તૈયાર કરવામાં તે સફળ રહ્યા છે.
તિર્માની માને છે કે ટેક્નોલોજીએ ઘરોના નિર્માણમાં મહત્વની ભૂમિકા ભજવી છે. ટેક્નોલોજીએ એવી વસ્તુઓ બનાવી છે જે પહેલા અશક્ય હતી. આ ઘરોની સૌથી મોટી ખાસિયત એ છે કે તેમાં ઇન્સ્યુલેશન ટેક્નોલોજી અને એલઇડી લાઇટિંગના કારણે તે વીજળીના બિલના પૈસા પણ બચાવે છે.
ઘરમાં આપવામાં આવે છે આ સુવિધા
બોક્સેબલ કંપનીના એક કલાકમાં તૈયાર થનાર આ ઘરને કેસિટા નામ આપવામાં આવ્યું છે. ઘરમાં ફૂલ સાઈઝ કિચન, બાથરૂમ અને લિવિંગ રૂમનો સમાવેશ થાય છે અને તેને ડિલિવર થયાના એક કલાકની અંદર અનપેક કરી શકાય છે. આનો અર્થ એ છે કે માત્ર એક કલાકમાં તે તમારા રહેવા માટે તૈયાર છે.
તેના રસોડાની વાત કરીએ તો તેમાં ફ્રિજ, સિંક, ઓવન, ડીશવોશર, માઇક્રોવેવ અને કેબિનેટ પણ છે. બાથરૂમમાં સિંક, મોટું કાઉન્ટર, મિરર્સ અને સ્લાઇડિંગ ગ્લાસની સુવિધા હોય છે જ્યારે 375 ચોરસ ફૂટના લિવિંગ રૂમમાં 8 દરવાજા અને બારીઓ હોય છે. તેનું ફ્લોર લાકડાનું છે. તેમાં AC માટે પણ જગ્યા છે.