સેક્રેડ ગેમ્સ વેબ સીરીઝમાં આવેલી ઇરાની એક્ટ્રેસ ઇલનાઝ નૌરોજીએ સોશિયલ મીડિયા પર એક વીડિયો શેર કર્યો છે. જેમાં તે પોતાના કપડાં ઊતારીને હિજાબ વિરોધ આંદોલનનું સમર્થન કરી રહી છે.
એક્ટ્રેસ ઇલનાઝ નૌરોજી થઇ ટ્રોલ
એક પછી એક કપડાં ઊતારતો વીડિયો કર્યો પોસ્ટ
હિજાબ વિરોધી આંદોલનનું કર્યું સમર્થન
ઈરાન: ઈરાનમાં હિજાબ વિરોધી આંદોલન ઉગ્ર સ્વરૂપે ચાલી રહ્યું છે. અને આ યુદ્ધ સોશિયલ મીડિયાનાં માધ્યમ દ્વારા દુનિયા સામે આવી પહોચ્યું છે. તમામ દેશોની મહિલા પોતાના કેશ કાપીને અથવા તો બીજા કોઇ રીતે હિજાબ વિરોધી આંદોલન કરી રહી છે ત્યારે હોલિવુડની એક એક્ટ્રેસે પણ પોતાનો અવાજ આ મુદે્ ઉઠાવ્યો છે. ભારતીય વેબ સીરિઝ ' સેક્રેડ ગેમ્સ'માં જોવા મળેલ ઇલનાઝ નૌરોજીએ પણ આંદોલનને સમર્થન આપતો એક વીડિયો સોશિયલ મીડિયા પર પોસ્ટ કર્યો છે. જેમાં તે એક પછી એક પોતાના કપડાં ઊતારી રહી છે.
એક્ટ્રેસે કેપ્શનમાં કરી અધિકારની વાત
એક્ટ્રેસે પોસ્ટ કરેલ આ વીડિયો દુનિયાની નજરે આવી ચડ્યો છે. આ વીડિયો શેર કરતાં તેણે કેપ્શનમાં લખ્યું કે 'દુનિયામાં ક્યાંય પણ, દરેક મહિલાને પછી તે મહિલા ગમે તે જગ્યાએથી હોય, તેને એ અધિકાર હોવો જોઇએ કે તે જે ઇચ્છે, જ્યારે ઇચ્છે અને જે ઇચ્છે તે પહેરી શકે છે. કોઇ પણ પુરુષ કે અન્ય મહિલાને એ અધિકાર નથી કે તે મહિલાને જજ કરે કે બીજાં કપડાં પહેરવા માટે કહે.'
ઇલનાઝે ઊઠાવ્યો અવાજ
તેણે પોસ્ટમાં આગળ લખ્યું કે 'દરેક વ્યક્તિનાં અલગ વિચાર અને વિશ્વાસ હોય છે અને તેનું સન્માન થવું જોઇએ. લોકતંત્રનો અર્થ એ છે કે- નિર્ણય લેવીની શક્તિ. દરેક મહિલાને પોતાના શરીર પર નિર્ણય લેવાનો અધિકાર હોવો જોઇએ. હું ન્યૂડિટીને પ્રમોટ નથી કરી રહી પરંતુ હું ચોઇસની આઝાદીને પ્રમોટ કરું છું.'
ટ્રોલ થતાં કર્યો વીડિયો ડિલીટ
એક્ટ્રેસનો આ કપડાં કાઢી વિરોધ પ્રદર્શન કરતો વીડિયો દુનિયાભરમાં વાયરલ થઇ ગયો છે. લોકોમાં ખુબ ટ્રોલ થતાં એલનાઝે પોતાના ઇન્સ્ટાગ્રામ પરથી વીડિયો ડિલીટ કરી દીધેલ છે.