સગર્ભા હાથીણીના મોત બાદ બીજા એક હાથીના મોતથી આખો દેશ હચમચી ઉઠ્યો છે. મામલો તમિલનાડુના નીલગિરિનો છે. અહીં એક વ્યક્તિએ સળગતું ટાયર હાથી ઉપર ફેંકી દીધું હતું.
વધુ એક હાથના મોતથી ખળભળાટ
સોશિયલ મીડિયામાં વીડિયો થયો વાયરલ
હાથના કાનમાં ટાયર ફસાઇ જતા થયું મોત
આ સળગતા ટાયરને કારણે હાથી ખરાબ રીતે ઘાયલ થયો હતો અને સારવાર દરમિયાન થોડા દિવસો પછી તેનું મોત નીપજ્યું હતું. હાથીના કાન પર ટાયરો સળગાવવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
સોશિયલ મીડિયામાં વીડિયો થયો વાયરલ
વાયરલ વીડિયોમાં હાથીના કાન પર સળગતા ટાયર જોઇ શકાય છે. જેના કારણે હાથી પીડાથી આસપાસ ભાગવા લાગ્યો હતો. આ સમય દરમિયાન, તેના કાનની આસપાસનો વિસ્તાર ખરાબ રીતે બળી ગયો હતો.
Barbaric act in Nilgiris, Tamilnadu. An elephant was attacked with a burning tyre, in a private resort, killing the animal. Hope the guilty are punished for this inhumane act of violence. #WA#EveryLifeMatters#SaveWildlifepic.twitter.com/iLJn2yxgdq
તમિલનાડુનાં નીલગીરીમાં એક હાથીનાં મૃત્યુએ લોકોનાં હૃદયને હચમચાવી દીધું. સળગેલા ટાયરને લીધે ઘાયલ બનેલ હાથી સારવાર દરમિયાન મૃત્યુ પામે છે જે ઘટનાનો વીડિયો સોશિયલ મીડિયા પર વાયરલ થઈ રહ્યો છે જેને જોઈને લોકો ઇમોશનલ બની રહ્યાં છે.
સળગતા ટાયરને લીધે 40 વર્ષિય હાથીનું દુખદ મૃત્યુ
આ સમગ્ર ઘટના નીલગીરીનાં મસિનાગુડી ક્ષેત્રનો છે. કથિત રીતે કોઈ વ્યક્તિએ ટાયરમાં આગ લગાવીને તેને 40 વર્ષિય એક હાથી પર ફેંકી દીધુ. જે સળગતું ટાયર હાથીનાં કાન પર ફસાઈ ગયુ અને જેનાથી હાથી દર્દથી આમતેમ ભાગવા લાગ્યો હતો. જેનાંથી તેનાં કાનની આસપાસનો ભાગ ખૂબ ખરાબ રીતે બળી ગયો હતો. જે ઘટનાનો વીડિયો સોશિયલ મીડિયા પર વાયરલ થઈ રહ્યો છે.
મુદુમલાઈ ટાઇગર રિઝર્વમાં હાથીએ દમ તોડ્યો
તે હાથીને ઘાયલ હાલતમાં જોઈને વન રેંજર્સ સારવાર માટે તેને મુદુમલાઈ ટાઈગર રિઝર્વ લઈ જવામાં આવ્યો. જોકે વન વિભાગનાં સ્ટાફ દ્વારા કરવામાં આવેલ તમામ પ્રયાસો બાદ પણ હાથી બચી ના શક્યો. હાથીએ સારવાર દરમિયાન જ દમ તોડી દીધો હતો. ત્યારબાદ હાથીને ક્રેનની મદદથી ટ્રક પર લઈ જઈને તેની અંતિમ ક્રિયા માટે લઈ જવામાં આવ્યો હતો.