દિલ્હીમાં આવનારા કેટલાક દિવસોમાં લાઈટ બિલ પર ટેક્સ લાગૂ કરવામાં આવી શકે છે. આ નિયમ દિલ્હી નગર નિગમના ભારને ઓછો કરવામાં માટે લેવામાં આવી શકે છે. આ નિયમ આવવાના કારણ દિલ્હીવાસીઓને વીજળીના બિલને લઈને મુસીબત સહન કરવી પડી શકે છે.
દિલ્હીવાસીઓની વધી શકે છે ચિંતા
લાઈટબિલને લઈને આવી શકે છે આ મોટો ફેરફાર
દિલ્હી નગર નિયમ લાવી શકે છે આ નિર્ણય
રાજધાનીમાં વિધાનસભાની ચૂંટણીઓ યોજતાંની સાથે જ સામાન્ય લોકોને પહેલો મોટો ઝટકો લાગવાનો છે. હકીકતમાં, દક્ષિણ દિલ્હી મ્યુનિસિપલ કોર્પોરેશન (એસડીએમસી) ની સ્થાયી સમિતિએ શુક્રવારે તેના અધિકારક્ષેત્ર હેઠળ રૂ. 50,૦૦૦ અને તેથી વધુની આવક ધરાવતા દરેક પર વ્યવસાય કર એટલે કે પ્રોફેશનલ ટેક્સ લગાવવાનો નિર્ણય લીધો છે. તેમજ વીજકરમાં એક ટકાનો વધારો કરવાની દરખાસ્તને પણ મંજૂરી આપવામાં આવી છે. હાલમાં દક્ષિણ દિલ્હી મ્યુનિસિપલ કોર્પોરેશન વિસ્તારમાં રહેતા લોકો પાસેથી 5 ટકા વીજળી વેરો લેવામાં આવે છે. પરંતુ હવે તેને 5ની જગ્યાએ 6 ટકા ટેક્સ ભરવો પડી શકે છે.
મળતી માહિતી અનુસાર થોડા દિવસોમં વીજળીના બિલ પર આ કર લાગૂ થશે. નિગમના નાણાંકીય ભારને હળવો કરવા માટે આ નિર્ણય લેવામાં આવ્યો છે. દિલ્હીમાં વપરાશકારોને 200 યૂનિટ સુધી વીજળી ફ્રી આપવાનો કેજરીવાલનો નિર્ણય થોડા મહિના પહેલાં જ લાગુ કરવામાં આવ્યો હતો. આ પછી તરત જ વીજળી પર 1 ટકા ટેક્સ વધારવાના કારણે લોકોને તે અસર કરી શકે છે.
નાણાંકીય મદદમાં ખામી
દિલ્હી નગર નિગમની કલમ 150 (1) અને કલમ 109 (2)ના આધારે પાંચમા નાણાંકીય આયોગની શરતોને લાગૂ કરવાની સાથે વીજળી કરમાં 1 ટકા વધારાને મંજૂરી આપવામાં આવશે. આ સાથે કહેવાયું છે કે દિલ્હી સરકારે વર્ષ 2018-19થી SDMCને આપવામાં આવેલી મદદમાં ઘટાડો કરાયો છે.
વ્યાપારી આ કરથી રહેશે દૂર
અન્ય તરફ રાજધાની દિલ્હીમાં 50,000 રૂપિયા સુધીની આવકવાળા લોકોને પ્રોફેશનલ ટેક્સના રૂપમાં દર વર્ષે 1800 રૂપિયા કે 150 રૂપિયા ચૂકવવાનું રહેશે. 50,000 રૂપિયાથી વધારે આવકવાળાને 2400 રૂપિયા વાર્ષિક કે 200 રૂપિયા માસિક શુલ્ક આપવાનું રહેશે.
4 કરોડ રૂપિયા આવકની આશા
SDMC કમિશ્નરે અગાઉ 4 ડિસેમ્બરમાં વર્તમાન બજેટ સહિત 4 સતત બજેટમાં કરનો પ્રસ્તાવ આપ્યો હતો. બીજેપી પ્રભુત્વના વિચાર વિમર્શ વિંગે દર વખતે તેને નકારી હતી. સ્થાયી સમિતિએ તર્ક આપ્યો છે. દિલ્હી સરકાર દ્વારા નિગમમાં ભારે ઘટાડો જોવા મળ્યો છે અને હવે આ પગલું જરૂરી બન્યું છે. તેના કારણે તેનો નાણાંકીય ભાર વધ્યો છે. SDMCના આ પગલાંથી 50 કરોડ રૂપિયા કમાવવાની આશા છે.