આયાત થતા કોલસાની કિંમત નાણાકીય વર્ષ 2023ના પહેલા ત્રણ મહિનામાં 45-55 ટકા વધવાની સંભાવના છે. એવામાં સીધી અસર સામાન્ય માણસના ખિસ્સા પર પડવાની છે. વીજળીનું બીલ ઓછુ આવે તે માટે ફોલો કરો આ ટિપ્સ
ઓછુ આવશે તમારા ઘરનું વીજળીનું બિલ
બસ આ ટિપ્સ કરો ફોલો
ખિસ્સા પર નહીં પડે વધારે બોજો
ICRAનો અંદાજ છે કે નાણાકીય વર્ષ 2023ના પ્રથમ ત્રિમાસિક ગાળામાં આયાતી કોલસાના ભાવમાં 45-55 ટકાનો વધારો થવાની સંભાવના છે. આવી સ્થિતિમાં તેની સીધી અસર સામાન્ય માણસના ખિસ્સા પર પડશે. યુદ્ધના કારણે કોલસાની કિંમતો વધવાની તૈયારીમાં છે, જેના કારણે ભારતીય ઉર્જા ઉત્પાદકોની પ્રતિ ઇનપુટ કોસ્ટ વધી શકે છે.
યુરોપીય સંઘની શોધ અનુસાર, હીટિંગ અને કૂલિંગ રૂમ, ઘરગથ્થુ ઉર્જા વપરાશમાં લગભગ 80% ખર્ત કરે છે. આવી સ્થિતિમાં, ઉર્જા બચત માટે તેનો યોગ્ય રીતે ઉપયોગ કરવાથી બિલમાં થોડી રાહત મળી શકે છે. આ સિવાય તમે બીજા ઘણા નાના ફેરફારો કરીને પણ વીજળી બચાવી શકો છો. હવેથી તમે વીજળી બચાવવા માટે આ ટેવ પાડી શકો છો.
આ રીતે કરો ઉર્જાની બચત
એવી ઘણી રીતો છે કે જેના દ્વારા આપણે આપણા ઘરોમાં ઊર્જાનો વપરાશ ઘટાડી શકીએ છીએ. આ તરફનું પ્રથમ પગલું એ સમજવાનું છે કે કયા ઉપકરણો સૌથી વધુ શક્તીનો ઉપયોગ કરી રહ્યાં છે. ત્યાર બાદ તેનો બિનજરૂરી ઉપયોગ ઓછો કરો. અહીં અમે એવી પાંચ રીતો જણાવવા જઈ રહ્યા છીએ, જેને અપનાવીને તમે તમારું વીજળીનું બિલ અમુક હદ સુધી ઘટાડી શકો છો.
હીટિંગ થર્મોસ્ટેટને ઓછું કરો
યુકે ગ્રાહક સંગઠન મની સેવિંગ એક્સપર્ટ્સ અનુસાર જો તમે ઘરમાં રૂમને ગરમ રાખવા માટે હીટરનો ઉપયોગ કરો છો તો તેનું તાપમાન ઘટાડીને, તમે ઊર્જા બિલમાં પ્રતિ ડિગ્રી 4% ઘટાડો કરી શકો છો.
ગરમ પાણીની ટાંકીઓ અને પાઈપોને ઇન્સ્યુલેટ કરો
ઘરમાં ગરમ પાણી માટે વોટર સિલિન્ડર જેકેટ અને પાઇપ લેગિંગ લગાવો. તેઓ ખૂબ સસ્તા છે અને સરળતાથી ઇન્સ્ટોલ કરી શકાય છે. એનર્જી સેવિંગ ટ્રસ્ટ અનુસાર, તેનો ઉપયોગ કરવાથી તમારી જરૂરિયાતો ઝડપથી પૂરી થશે અને સાથે જ ઊર્જાની બચત થશે.
ઘરને કરો ડ્રાફ્ટ પ્રૂફ
એનર્જી સેવિંગ ટ્રસ્ટ કહે છે કે ગરમી બચાવવા માટે, તમારા ઘરના દરવાજા અને બારીઓની આસપાસના ગેપ, ઉપયોગ ન થતી વસ્તુઓ સહિત ઘરમાં રહેલા બિનજરૂરી ગેપને બ્લોક કરી દો.
ઉપકરણોનો ઉપયોગ યોગ્ય રીતે કરો
અમેરિકા સેવ્સની સલાહ મુજબ વોશિંગ મશીન અને ડીશવોશરમાં સાયકલની સંખ્યા ઘટાડવા માટે તેનો ફૂલ લોડ પર ઉપયોગ કરો.
શૉવરમાં ઓછો સમય પસાર કરો
મની સેવિંગ એક્સપર્ટનું કહેવું છે કે શૉવરના સમયગાળામાં ફક્ત 1 મિનિટ ઓછુ કરવા પર ઉર્જા બીલ પર મહત્વપૂર્ણ બચત થઈ શકે છે. તેનાથી મીટર્ડ સપ્લાય વાળા લોકોને પાણીના બિલમાં બચત થશે.