શક્યતા / વીજગ્રાહકને મળશે સૌથી મોટો 'પાવર' : લાઈટ બિલ વધારે આવે અને સેવા ન ગમે તો કરી શકશો આ કામ

• ટેલિકોમની જેમ વિજ કંપની પણ બદલી શકાશે
• સંસદમાં રજૂ થઇ શકે છે આ નવુ બિલ 
• પ્રાઇવેટ વિજ કંપનીઓને થશે ફાયદો

જો તમે પણ આવુ અનુભવો છો તો ખુબ જલ્દી તમારી પાસે અધિકાર હશે કે તમે જુની કંપની છોડીને તમારી પસંદની કંપનીનો પાવર સપ્લાય સિલેક્ટ કરી શકશો. આ એવી જ રીતે કામ કરશે જે રીતે ટેલિકોમ કંપનીની સેવાઓથી નાખુશ હોવ તો પોર્ટ કરાવી લો છો. 

સત્રમાં રજૂ કરશે બિલ 
સરકાર સંસદમાં હાલના સત્રમાં Electricity Amendment Bill 2021ને રજુ કરી શકે છે. જાન્યુઆરીમાં Electricity Amendment Bill 2021નો એક પ્રસ્તાવ કેબિનેટની મંજૂરી માટે રજૂ કરવામાં આવ્યો હતો. જો આવુ થશે તો પાવર ડિસ્ટ્રીબ્યુશન ક્ષેત્રમાં એક મોટુ રિફોર્મ આવશે અને ઉપભોક્તાઓને રાહત થશે. 

પ્રાઇવેટ કંપનીઓ માટે નવા રસ્તા 
આ બિલ લાગૂ થયા બાદ પ્રાઇવેટ કંપનીઓ માટે પણ વિજળી ક્ષેત્રે એક નવો રસ્તો ખુલશે કારણકે લાઇસન્સ લેવાની જંજટ જ જતી રહેશે. સ્પર્ધા વધશે તેમ સીધો ફાયદો ઉપભોક્તાઓને જ મળશે. તેમની પાસે સિલેક્ટ કરવા માટે ઘણા બધા સર્વિસ પ્રોવાઇડર હશે. હાલના સમયમાં સરકારી અને કેટલીક જ પ્રાઇવેટ કંપનીનો વિજળી ક્ષેત્રે દબદબો છે. 

એક જ ક્ષેત્રમાં હશે વીજ કંપનીઓ
વિજળી ઉપભોક્તાઓ પાસે તેમના ક્ષેત્રમાં સેવાઓ આપી રહી છે તેના સિવાય કોઇ બીજો રસ્તો જ નથી. પ્રસ્તાવિત બિલ આવ્યા બાદ પણ કંપનીઓ પોતાની સેવા ચાલુ રાખશે પરંતુ ઉપભોક્તા બીજી કંપનીમાં પોર્ટ પણ થઇ શકે છે. 

નવી કંપનીઓને રજીસ્ટ્રેશન કરાવવુ પડશે
એવી કંપનીઓ જે વિજળી વિતરણ બિઝનેસમાં ઉતરવા ઇચ્છે છે તો તેમને કેન્દ્ર સરકાર યોગ્યતા શરતોનુ પાલન કરવુ પડશે અને વિજળી વિતરણ શરૂ કર્યા પહેલા રજીસ્ટ્રેશન કરાવવુ પણ જરૂરી બનશે.