તમારા કામનું / AC-પંખા દિવસ-રાત ફૂલ સ્પિડ પર ચાલશે તો પણ વધારે નહીં આવે વીજળીનું બીલ, બસ કરો આ દેશી જુગાડ

• ભારતમાં ગરમી શરૂ થઈ ગઈ છે 
• લોકોએ કૂલર અને AC શરૂ કરી દાધા છે 
• આ ટ્રિકથી ઓછુ કરો વીજળીનું બીલ 

ઉનાળાની સિઝન આવી ગઈ છે અને લોકોએ ગરમીથી બચવા માટે કુલર અને એસી બહાર કાઢ્યા છે. જ્યાં કડકડતી ઠંડીમાં પંખા ચાલુ નહોતા ત્યાં હવે તે ફૂલ પર ચાલી રહ્યા છે. પરંતુ પુરતા વોલ્ટેજ હોવા છતાં, પંખા યોગ્ય રીતે હવા આપી શકતા નથી ઉનાળાની શરૂઆતમાં આ સામાન્ય છે. 

જો તમને પણ લાગે છે કે તમારો પંખો ઓછી હવા ફેંકી રહ્યો છે અને પાવર યુનિટ્સ પણ એટલો જ ખર્ચ કરી રહ્યા છે. તો પંખા પર વિશેષ ધ્યાન આપવાની જરૂર છે. ઉનાળાની શરુઆતમાં આપણે એસી સર્વિસ કરાવીએ છીએ પરંતુ કુલર અને પંખા પર ધ્યાન આપતા નથી. આજે અમે તમને એક એવી ટ્રિક જણાવવા જઈ રહ્યા છીએ. જેનાથી પંખા-કૂલરની સ્પીડ એક મિનિટમાં વધી જશે અને વીજળીનું બિલ પણ ઘટશે. આવો જણાવીએ કેવી રીતે...

આ કાર્ય છે સૌથી અસરકારક 
મહિનાઓ પછી પંખો ચાલુ કર્યા પછી જો તમને લાગે કે પંખો યોગ્ય રીતે હવા નથી આપી રહ્યો. તો ચિંતા કરવાની જરૂર નથી. તમારે ન તો ઇલેક્ટ્રિશિયનને બોલાવવાની જરૂર છે અને ન તો નવો પંખો લેવાની જરૂર છે. તમારે માત્ર એક નાનકડું કામ કરવાનું છે. જેનાથી પંખાની સ્પીડ જાતે જ વધી જશે. આટલું જ નહીં જેમ જેમ ઝડપ વધશે તેમ તેમ વીજળીનું બિલ પણ ઘટશે. તમને જણાવી દઈએ કે કોઈપણ પંખો ઓછા પ્રેશરમાં હવા આપે છે. હવા ચિરીને તે નીચેની તરફ ફેંકે છે. આ કારણે પંખાના બ્લેડ આગળથી પોઇન્ટેડ અને વળાંકવાળી હોય છે.

બ્લેડમાં જમા થાય છે ધૂળ 
નિષ્ણાંતોના મતે પંખાની બ્લેડ હવાને કાપે છે અને તેના કારણે બ્લેડના તીક્ષ્ણ ભાગોમાં ધૂળ અને માટીના કણો જમા થઈ જાય છે. જેના કારણે પંખો વધુ ભાર લેવા લાગે છે. સ્પીડ ધીમી પડી જાય છે અને પંખાની મોટર વધુ લોડ લેવા લાગે છે. જેના કારણે વધુ વીજળીનું બિલ આવે છે. પછી તે સીલિંગ ફેન હોય, ટેબલ ફેન હોય, કુલર હોય કે એસી. આ સિદ્ધાંત બધાને લાગુ પડે છે.

પંખાના બ્લેડને ભીના કપડાથી સાફ કરો
પંખાની ઝડપ વધારવા માટે ઇલેક્ટ્રિશિયનને બોલાવવાની જરૂર નથી. તમે તેને જાતે ઠીક કરી શકો છો. તમારે ફક્ત ભીના કપડાથી પંખાના બ્લેડને સાફ કરવાનું છે. પરંતુ ખૂબ જ બળથી બ્લેડને સાફ ન કરવી કાળજી રાખો. કારણ કે તે ગોઠવણીને નુકસાન પહોંચાડી શકે છે. ધીમેધીમે કાળજીપૂર્વક બ્લેડ સાફ કરો. પંખો સાફ કર્યા પછી જો તમે તેને ચાલુ કરીને જોશો તો પંખો સ્પીડથી ચાલવા લાગશે. તેમજ તેનો અવાજ પણ ઓછો થશે. આ સાથે, પંખાની મોટર ઓછો લોડ લેશે અને વીજળીના બિલ પર વધુ અસર કરશે નહીં.