શિયાળાની કકડતી ઠંડીમાં હીટર અને ગીઝરથી રાહત મળે તે નક્કી પરંતુ વીજળીના બિલમાં વધારો થાય તે નક્કી
હીટર અને ગીઝર વાપરનાર માટે ટિપ્સ
વીજળીના બિલમાં થશે ઘટાડો
પાંચ સ્ટાર રેટિંગના ઉપકરણો વાપરો
ઉફફ યે ઠંડી. ઠંડી એટલી વધી ગઇ છે કે હીટરનો વપરાશ કરવો જરુરી બન્યો છે. પરિણામે વીજળીનુ બિલ પણ વધી રહ્યુ છે, ન્હાવા માટે ગરમ પાણી તો જોઇએ જ એટલે વીજબિલ શિયાળામાં વધારે આવે તેમાં કોઇ નવાઇ નહી. પરંતુ હીટર અને ગીઝરમાં સૌથી વધારે વીજળી વપરાય છે. હીટર અને ગીઝર વિના તો ચાલે નહી. પરંતુ શુ એવુ બની શકે કે હીટર અને ગીઝરના વપરાશ છતાં પણ વીજળીનું બિલ વધારે ન આવે? તો હા, એ શક્ય છે. તમને એવી ટિપ્સ આપીશું જેનાથી વિજળીનું બિલમાં હજારો રુપિયાનો ઘટાડો થશે.
ટિપ્સ 1: 5સ્ટાર રેટિંગવાળા ઉપકરણો વાપરો
જો તમે ઇલેક્ટ્રીક ઉપકરણો ખરીદી રહ્યા હોવ તો ખાસ ઘ્યાન રાખો કે તે 5 સ્ટાર રેટિંગ ધરાવતા હોય. ફાઇવ સ્ટાર રેટિંગ ધરાવતા વીજ ઉપકરણો વીજળીનો ઓછો વપરાશ કરે છે. બજારમાં ઘણા 5 સ્ટાર રેટેડ ફ્રીજ, ટીવી, એસી, હીટર અને ગીઝર ઉપલબ્ધ છે. 5-સ્ટાર ઉપકરણ ખરીદીને, તમે તમારા વીજળીના બિલને નોંધપાત્ર રીતે ઘટાડી શકો છો. જેનાથી તમે હજારો રૂપિયા બચાવી શકો છો.
ટિપ્સ 2: હાઇકેપેસિટીવાળા ગીઝર વાપરો
ગીઝર ચલાવવાથી વીજળીનું બિલ વધી જાય છે. આવી સ્થિતિમાં, તમારે ઉચ્ચ ક્ષમતાવાળા ગીઝર ખરીદવા જોઈએ. આ પ્રકારના ગીઝરમાં એકવાર પાણી ગરમ થઈ જાય પછી તે ત્રણથી ચાર કલાક સુધી ગરમ રહે છે. આ સાથે તમારે તેને સતત ચાલુ રાખવાની જરૂર પડતી નથી. એકવાર પાણી ગરમ થઈ જાય પછી તેનો લાંબા સમય સુધી ઉપયોગ કરી શકાય છે.
ટિપ્સ 3: સતત ઉપયોગ ટાળો
હીટર, ગીઝર, બ્લોઅર,ડ્રાયર આ બધા એવા ઉપકરણો છે જે જલદી ગરમ થઇ જાય છે. આથી તેને સમયસર બંધ કરવામાં જ સમજદારી છે. આ ઉપકરણો સતત ચાલુ રહેવાથી વીજળીનું બિલ વધે છે. જો તમે રુમમાં હાજર ન હોવ તો હીટર ચાલુ ન રાખો, જરુર પુરતો જ તેનો ઉપયોગ કરો. દિવસમાં અમુક કલાક સુધી જ ઉપયોગ કરવાનુ નક્કી કરો. ઓવર યુઝ કરવાથી ઉકરણમાં ખામી આવી શકે છે તેમજ વીજ બિલ પણ વધારે આવાની શક્યતા રહે છે.