આખા વિશ્વમાં ઈલેક્ટ્રીક વાહન હવે ચલણમાં આવવા લાગ્યા છે અને ભારતીય માર્કેટમાં પણ સતત નવા-નવા ઈલેક્ટ્રીક વાહન બનાવ્યા બાદ રજૂ કરાઈ રહ્યાં છે. સામાન્ય માણસને તેના ઉપયોગ માટે સરકાર પણ ભરપૂર પ્રયાસ કરી રહી છે. આ જ કારણ છે કે ઈવી પસંદ કરનારા લોકોની સંખ્યામાં મોટો વધારો થયો છે.
મારૂતિ ઑલ્ટો અને રોયલ બુલેટના પાર્ટસમાંથી બનાવવામાં આવી ઈલેક્ટ્રીક કાર
આ ઈલેક્ટ્રીક કારને સિરસાની ગ્રીન માસ્ટર નામની કંપનીએ તૈયાર કરી
આ ઈલેક્ટ્રીક કારની પ્રારંભિક કિંમત જાણી ચોંકી જશો
કિંમત 2.5 લાખથી પણ ઓછી
આ સિવાય તમે તમારા પોતાના વાહનને પણ ઈલેક્ટ્રીક કિટની મદદથી ઈવીમાં બદલી શકો છો. આજે અમે તમને એક વિન્ટેજ લુકવાળી ઈલેક્ટ્રીક કાર અંગે જણાવવા જઇ રહ્યાં છે, જેને મારૂતિ સુઝુકી ઑલ્ટો અને રોયલ એનાફીલ્ડ બુલેટના પાર્ટસમાંથી બનાવવામાં આવી છે. આ ઈલેક્ટ્રીક કારને સિરસાની ગ્રીન માસ્ટર નામની કંપનીએ તૈયાર કરી છે. ગ્રાહક દેશમાં ગમે ત્યાંથી આ EVને ખરીદી શકે છે. આ કારના દરેક પાર્ટસ સરળતાથી મળતા નથી. એવામાં કારને આ કાર અને બાઈકના પાર્ટ્સ દ્વારા બનાવવામાં આવી છે. કારના આગળના અને પાછળના ભાગમાં લગાવેલી લાઈટ્સ સિવાય આ કારના ટાયર પણ બુલેટમાંથી લેવામાં આવ્યાં છે. ચાવી અને પાયલટ લાઈટ્સ પણ અહીંથી લેવામાં આવી છે. જોવામાં આ ઈલેક્ટ્રીક કાર ખૂબ સુંદર છે અને તેના આગળના ભાગમાં જાલીનુમા ગ્રિલ લગાવવામાં આવી છે. 19 ઈંચના પૈડા અને વ્હીલ આર્ચ્સ તેને ફુલ વિન્ટેજ લુક આપે છે.
સિંગલ ચાર્જમાં ચાલશે 100 કિમી
કારના પાછળના ભાગમાં એક ટ્રન્ક લગાવવામાં આવી છે, જેમાં 70 લીટર સ્પેસ સામાન રાખવા માટે મળે છે. કંપનીએ ઈલેક્ટ્રીક કારને સુંદર પણ બનાવી છે, આ ઉપરાંત તેની રેન્જ પણ સારી છે. કારમાં 1200 વોટ ક્ષમતાવાળી ઈલેક્ટ્રીક મોટર લગાવેલી છે, જે 1.5 હૉર્સપાવર અને 2.2 એનએમ પીક ટૉર્ક બનાવે છે. ફુલ ચાર્જ કરવાથી આ બેટરી 100 કિમી સુધી રેન્જ આપે છે. કારની સાથે ચાર એલોય વ્હીલ્સ આપવામાં આવ્યાં છે અને પાછળના ભાગમાં સ્પેયર ટાયર પણ આપવામાં આવ્યાં છે. ઉલ્લેખનીય છે કે, આ કારની પ્રારંભિક કિંમત 2.45 લાખ રૂપિયા છે.